السيسي: الدولة يجب أن تحمي وعي المصريين.. الناس بسيطة ومعذورة
السيسي: الدولة يجب أن تحمي وعي المصريين.. الناس بسيطة ومعذورة
قال الرئيس عبدالفتاح السيسي، إنّه توقف عن افتتاح المشروعات القومية مؤخرا، وذلك خلال كلمته في افتتاح عدد من المشروعات القومية بنطاق محافظتي جنوب سيناء والسويس.
ووجّه رئيس الجمهورية كلمة لمنظمي افتتاحات المشروعات القومية: "أنا مستعد يوم بعد يوم، لمدة شهر أو اتنين أو تلاتة، نفضل نفتتح اللي عملناه عشان نوريه للمصريين، مش إحنا اللي عملناه، ده إحنا كلنا كمصريين ودولة وأجهزتها عملناه، عشان نغير حياة المصريين".
وأضاف: "كلنا محتاجين نتكلم كتير، والإعلام يتحدث كثير، عشان نقول للناس يا جماعة يا مصريين متخلوش حد أبدًا، زي ما القرآن قال فسحروا أعين الناس، يعني خدعوهم وضحكوا عليهم ويشوهوا الحكاية، وإحنا كلنا مسؤولين مع بعض إن الدولة تبقى هي الحامي المدافع عن وعي المصريين، عشان ملاحظ إن بقالنا شهور بيحاولوا كل يوم 1000 و2000 شائعة وتكذيب وتحريف وإفك، والناس بسيطة ومعذورة ومشغولة في حياتها اليومية، فمش هيدقق في كل اللي بنتكلم فيه".
ويفتتح الرئيس عبدالفتاح السيسي مجموعة من المشروعات القومية بنطاق محافظتي جنوب سيناء والسويس، في إطار توجهات الدولة نحو افتتاح عدد من المشاريع الفترة المقبلة.
من بين المشروعات افتتاح الرصيف البحري لشركة سوميد، ومشروعات كباري وإسكان في منطقة الطور وأبوزنيبة، وطريق على قناة السويس وكوبري الجيش المصري بمدخل السويس، وافتتاح المرحلة الأولى من طريق خدمة المحاجر، من نفق المشير محمد علي فهمي حتى طريق السويس وزعفرانة، والنفق شرم الشيخ ومشروعات خاصة بالحديد والصلب.
ومعظم المشروعات التي يفتتحها السيسي قومية تصب في إطار البنية الأساسية للدولة التي تهدف للتنمية الشاملة، وتحقيق معدلات التنمية وجذب الاستثمار، إذ إنّ البنية الأساسية مهمة ودونها لن يتم جذب المزيد من استثمارات، وهي أدوات تخدم التنمية.
