السيسي: "لو حد قالك أنه قريبي متجاملهوش.. اديله حقه لو له حق"

وجّه الرئيس عبدالفتاح السيسي كلمة لخريجي الدفعة الأولى من طلاب كلية طب القوات المسلحة، قائلا: "النهارده مناسبة جميلة، بقولكم خلوا بالكوا من نفسكوا، واوعوا تفتكروا إن النجاح طريقه سهل، ولو انت النهاردة اختبرت كويس من الابتدائي لحد الجامعة، المنتج هيطلع ابن أو بنت تمام، ولو جاملت هتطلعوا ميعرفش غير المجاملة كطريق للنجاح".

وأضاف السيسي خلال كلمته في حفل تخريج الدفعة الأولى من طلاب كلية طب القوات المسلحة بمركز المنارة بالتجمع الخامس: "من فضلكم قولت محدش يجامل حد، ولما حد يجيلكم باسمي لتالت مرة بقولها على الهواء، لما يقولك أنا قريبه اديله حقه لو ليه حق، والله عمري ما جاملت طول خدمتي في الجيش مخلوق".

وكان السفير بسام راضي المتحدث باسم رئاسة الجمهورية، صرح بأنّ الرئيس عبدالفتاح السيسي سيحضر صباح اليوم الخميس، حفل تخريج الدفعة الأولى بكلية الطب بالقوات المسلحة، دفعة المشير محمد عبدالغني الجمسي. 

• السيسي
• القوات المسلحة
• الدفعة الأولى
• الطب العسكري
• كلية الطب بالقوات المسلحة
• السيسي
• القوات المسلحة
• الدفعة الأولى
• الطب العسكري
• كلية الطب بالقوات المسلحة