السيسي يرحب بلقاء الإعلاميين والصحفيين: لازم يكون مفيد
السيسي يرحب بلقاء الإعلاميين والصحفيين: لازم يكون مفيد
- السيسي
- الرئيس السيسي
- الندوة التثقيفية
- الندوة التثقيفية ال 31 للقوات المسلحة
- القوات المسلحة
- الذكرى ال 46 لإنتصارات أكتوبر
- السيسي
- الرئيس السيسي
- الندوة التثقيفية
- الندوة التثقيفية ال 31 للقوات المسلحة
- القوات المسلحة
- الذكرى ال 46 لإنتصارات أكتوبر
قال الرئيس عبدالفتاح السيسي إنّه يسعد بالجلوس والتحدث مع أي فئة في مصر، متابعا: "هقول كلمة وأتمنى متزعلش حد، أنا كنت مهتم بمصر دي من وأنا صغير جدا، وقاري أوي عنها، فلما هقعد مع أي حد ويتكلم معايا، لو مكانش الكلام مليان واستفيد منه يبقى انت بتضيع وقتك ووقتي، ولازم تكون عارف تفاصيل خاصة جدا بالموضوع اللي بنتناقش فيه".
وأضاف السيسي خلال حضوره الندوة التثقيفية للقوات المسلحة الحادية والثلاثين، بمناسبة احتفالات نصر أكتوبر المجيد، ردا على طلب النائب البرلماني والإعلامي مصطفى بكري، بأن يجلس الرئيس مع الإعلاميين والصحفيين لبحث كيفية الخروج من الأزمة الراهنة معهم: "كنت قاعد مع أحد الأشخاص في مؤتمر، وبيقولي يافندم لازم تزود بطاقة التموين، فقولتله كام؟، قالي 1000 جنيه على الفرد، فقولتله أنت عارف العشرة جنيه بتتكلف كام؟ 8 ونص مليار جنيه في السنة، ولو 30 يبقى 25 مليار جنيه".
واستكمل السيسي: "أنا مش مستكتر نفسي أقعد واتكلم مع حد، بس خلي الحوار بينا ثري والموضوع عندك متكامل وواضح، وميبقاش في إطار مجرد حوار فقط، مقصدش بالكلام ده حاجة بس اللي يقعد معايا يكون عارف القضية كويس، لأنه هيقولي كلام لو وافقته عليه وأنا مش فاهم هنلخبط الدنيا، ولكن لو مقترح دراسته قوية فعلا أنا معاك، ومصلحتنا بلدنا ومحدش يقدر يزايد على حد، والصورة لازم تكون مكتملة في الإعلام ومع كل صورة الدولة".
