بريد الوطن.. تاريخ
بريد الوطن.. تاريخ
تاريخ بيعيد فى نفسه
قتلوكى ليه يا وردة
قتلوكى بنفس باردة
قواتهم قال محايدة
ببرود غسلوا الإيدين
وسواد فى القلب لازق
يا ظلم وكفه خانق
ورصاصكم والمشانق
هيزيدوا البلة طين
ونسيتوا دنشواى؟
زهران وأنينه ناى
والنار تملا سماى
وحمامك داسوا مين؟
ينداس فقير فى أرضك
عشان بيحمى عرضك
فلاح وصلى فرضك
شنقوه المجرمين
تاريخ بيعيد فى نفسه
يا ريت فهمتوا درسه
مين كل يا ناس بضرسه
يفضل قوى وأمين
عدو منا فينا
والقاتل قال أخونا
نازلين يدوخونا
يا ناس فى شرع مين؟
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
