فيديو.. حسن بلبل يسخر من إعلاميي الإخوان: حسابكم هيبقى عسير
فيديو.. حسن بلبل يسخر من إعلاميي الإخوان: حسابكم هيبقى عسير
- الإخوان
- قنوات الإخوان
- الإرهاب
- الجماعات الإرهابية
- مكملين
- الإخوان
- قنوات الإخوان
- الإرهاب
- الجماعات الإرهابية
- مكملين
سخر الفنان حسن بلبل من القنوات الداعمة لجماعة الإخوان الإرهابية وإعلامييها، لتحريضها المستمر على الفوضى ونشر الشائعات خلال الفترة الأخيرة، ونشر مقطع فيديو عبر صفحته على فيس بوك، قال فيه: "مش عارف أقول إيه، الناس المتخلفة اللي بتتصل بالقنوات المتخلفة عشان تقعد تسخن في الدنيا، مفيش ولاء وانتماء للبلد؟، انتو بتتصلوا بقنوات مغرضة ومتخلفة عشان تولع في البلد عشان تهيجوا الناس وتنزلوهم الشارع، ثورة إيه على دماغكم وقرفكم جاتكم القرف".
وعرض بلبل مقطع فيديو لمتصلة مصرية تسخر من أحد مقدمي البرامج على قناة "مكملين" الداعمة للجماعة الإرهابية، أوهمته في بداية المداخلة أنّها تحرض المواطنين على التظاهر، لكنها سخرت منه في نهاية المكالمة، ما وضعه في وضع محرج على الهواء، واضطر إلى إنهائها.
وقبل أن يعرض بلبل المداخلة، مهّد لها بطريقة ساخرةً وقال: "الست اللي كانت بتتصل دلوقتي مش مكسوفة إنك بتتصلي بواحد حيوان زي ده، وبتقولي الناس مبتنزلش عندنا، اتفضلوا بصوا على الست دي واللي يعرفها يبلغ عنها".
وقالت المتصلة موجّهة حديثها للإعلامي الإخواني: "ازيك يا أستاذ حسام، انتوا عاملين مجهود كبير جدًا والشعبي مش راضي ينزل مش عارفة ليه؟، أنا جاية من برا والشعب مش راضي ينزل، أنا بقول الفنان محمد علي يجيلكم تركيا وتقعدوا مع بعض كلكم وكل واحد يدي اللي جنبه على قفاه".
وعلق بلبل على ما قالته المتصلة لمذيع القناة الإرهابية ساخرًا، قائلا: "انتوا مبتعرفوش تعملوا أي حاجة يا متخلفين غير إنكوا تضربوا على قفاكم، وكلامكم الأهبل تسخنوا بيه الناس ومحدش يسمع كلامكم".
وأضاف: "الناس دي بتصعب عليّ، كل مذيع بياخد له كم ألف دولار في الشهر عشان يسخن ويولع الدنيا وفي الآخر تيجي على الفاضي، كل ده حسابكم هيبقى عسير فيه، حسابكم عسير معانا في مصر وحسابكم عسير مع ولاد الكلب اللي بيحاسبوكم بالدولار، هتشيل المشاريب كلها، حاولوا تسيبوكم من القنوات دي وافتحوا قنوات تانية زي المولد وشعبيات".
