توفيق عكاشة: ابني عمل مزرعة بط من 4 بطات ودكر.. وحاليًا عامل عربية أكل
توفيق عكاشة: ابني عمل مزرعة بط من 4 بطات ودكر.. وحاليًا عامل عربية أكل
- توفيق عكاشة
- أشرف عبدالباقي
- قهوة أشرف
- الحياة
- مشروعات الشباب
- توفيق عكاشة
- أشرف عبدالباقي
- قهوة أشرف
- الحياة
- مشروعات الشباب
حل الإعلامي توفيق عكاشة ضيفًا على الفنان أشرف عبدالباقي في برنامج "قهوة أشرف" المذاع عبر فضائية "الحياة".
وأبدى عكاشة تشجيعه للشباب الذين يتجهون لإقامة مشاريعهم الصغيرة ويستقلون بحياتهم أثناء دراستهم الجامعية، مشيرًا إلى أن نجله من هولاء الشباب.
وحكى عكاشة عن بدايات اشتغال نجله بالمشاريع الخاصة قائلًا: "جاب 4 بطات ودكر بط وقالي هعمل مزرعة، وأنا قلت له حد يعمل مزرعة بـ4 بطات ودكر، قالي أنا لسه في بداية الدراسة في سنة رابعة، والأربع بطات كل بطة هتبيض 20 بيضة يبقى 80 في مرتين يبقى 160 بطة في السنة هينفعوا".
وأضاف: "قولت له انت ذكي زي أبوك ياخويا، واشتغل وبالفعل البط باض وطلع ولقي إنه عايز يستثمر أكتر وجاب 60 فرخة و10 ديوك".
وأوضح توفيق عكاشة أن نجله الطالب في السنة النهائية بكلية الإعلام قام بعمل مشروع مطعم متنقل على مقطورة جرار زراعي بمشاركة زملائه: "كان عندنا 3 مقاطير للجرار الزراعي بتاعنا وهو قالي يا بابا المقطورة التالتة دي استعمالها بسيط ومش بتستعملوها وأنا محتاجها قولت له خدها فكرته هيعمل عليها فرح".
وتابع: "فوجئت أنه أخدها وراح لناس في مدينة نصر في المنطقة الصناعية متخصصين إنهم يحولوا المقاطير لمشاريع أكل، وبالفعل اشتغل، ومعاه عدد من أصحابه، وبدأو يعملوا العربية وبيفنشوها وبيعملوا مفاضلات؛ هل هيدخلوا في شارع 306 ولا في أماكن أخرى".
