مكتب فى الهرم لإنهاء مصالح المواطنين الحكومية.. أى خدمة

«هنساعدك تخلص كل مصالحك الحكومية لو انت فى البيت أو النادى أو الشغل، أو حتى بره مصر ومن غير رشوة، مصلحتك هتوصلك لحد باب البيت».. خدمة مغرية يقدمها على معوض، صاحب مكتب خدمات حكومية، فى منطقتى الهرم وفيصل، بهدف مساعدة المواطنين، خصوصاً من كبار السن، على إنجاز مصالحهم الحكومية، بدلاً من الوقوف فى الطوابير.

السجل المدنى، التأمينات الاجتماعية، المعاشات، الضرائب، وحدات المرور، بعض المصالح الحكومية التى يتردد عليها «معوض» بهدف إنهاء خدمات المواطنين، ويحرص على راحة المواطنين بأداء المهمة بنفسه مقابل أجر يحصل عليه من الزبون: «المواطن بيكون فى بيته وبخلص له مصلحته، فى الأول ببعت له مندوب يستلم منه الأوراق الرسمية، وبعد ما تخلص المهمة بيرجع له المندوب بالورق خلصان.. ده شغلنا».

وحسب «معوض» فهو حاصل على ترخيص ويستطيع إنهاء كل الأوراق والمصالح دون الحاجة إلى توكيل من المواطنين، ولا يتقاضى سوى رسوم بسيطة، مقابل هذه الخدمات التى يقدمها: «فيه ناس مريضة أو مشغولة ومعندهاش وقت تقف فى الطوابير، وفيه ناس بره مصر ولهم مصالح متعطلة، أنا بخدم الفئات دى لأنها مش هتقدر تخلص مصالحها».

وعلى الرغم من أن هذه الخدمات مرهقة، فإن «معوض» لا يجد مشكلة فيها ويحاول قدر الإمكان العمل على راحة زبائنه: «كتر ترددى على المصالح الحكومية خلانى معروف بالنسبة لكل الموظفين، عشان كده مش بلاقى صعوبة فى إنهاء أى مهام»، مؤكداً أنه يستعين بـ4 موظفين يعملون معه فى المكتب: «يا إما هما اللى بينجزوا الأوراق دى من خلال الختم بتاع المكتب أو أنا بعملها على طول»، لافتاً إلى أن الإقبال على مكتبه كبير، خصوصاً فى موسم الحج: «خلصت كل أوراق الحجاج من كبار السن اللى مايقدروش يخلصوا أوراقهم بنفسهم».

• مكتب خدمات حكومية
• الخدمات الحكومية
• المصالح الحكومية
• خدمات المواطنين
• المعاشات
• السجل المدنى
• مكتب خدمات حكومية
• الخدمات الحكومية
• المصالح الحكومية
• خدمات المواطنين
• المعاشات
• السجل المدنى