صاحب كافيه يُفرِّح زبائنه: المشروب عليك والعيدية علينا

07:14 م | الثلاثاء 13 أغسطس 2019

«المشروب عليك والعيدية علينا»، شعار رفعه أحمد الجمال، صاحب كافيه فى الإسكندرية، والذى قرر للعام الثانى على التوالى، أن يشارك الزبائن فرحتهم بالعيد، ويوزع عليهم العيدية سواء كانت عملة نقدية أو مشروبات مجانية: «بدأت الفكرة من سنة، وعجبت الزبائن، لاحظت إن الناس بترحب بالأفكار المطرقعة اللى بره الصندوق، فنفذتها خلال فترة العيد».

"الجمال": لفتة بسيطة تفكرهم بفرحة العيد زمان

وزع «الجمال» العيدية على أكثر من 80 فرداً حتى الآن: «مجهز الفلوس معايا من يوم الوقفة، فيه ناس بتفرح بالمبلغ الرمزى، خصوصاً اللى اتحرموا من إنهم ياخدوا عيدية من زمان، حاجة بسيطة زى دى بتفكرهم بمشاعر الفرحة وهمّا صغيرين».

لم تتوقف احتفالات العيد عند إعطاء العيدية فقط، بل منح بعض الكورسات المجانية للشباب لتعلُّم فن صناعة القهوة والمشروبات الساخنة، وتوزيع المشاريب المصنعة خلال الكورس على الزبائن: «باعمل كورسات تعليم مجانى، فيه شباب كتير بيكونوا عايزين يفتحوا مشروع كافيه وحابين إنهم يتعلموا».

عمل «الجمال» على مدار 16 عاماً كشيف متخصص فى صناعة المشروبات الساخنة، جعله يتفنن فى طرق تقديمها: «الزبون اللى بيجيلى لازم أخليه فايق ورايق ومبسوط، ده القانون الموجود فى الكافيه»، وتتراوح أسعار المشروبات المقدمة بين ١٥ و٢٠ جنيهاً.