انطلاق موسم أفلام عيد الأضحى 2019 رسميا دون "خيال مآتة"

قبل ساعات قليلة انطلق موسم أفلام عيد الأضحى السينمائي 2019 رسميا، لكن على أرض الواقع بدأت المنافسة بين الأفلام منذ أيام، إذ استهل المنافسة فيلم "الفيل الأزرق 2" للمخرج مروان حامد في 25 يوليو الماضي، قبل نحو 20 يوما على بداية سباق العيد، ووصلت إيراداته في تلك الفترة إلى 45 مليون جنيه.

أما فيلم "ولاد رزق 2" للمخرج طارق العريان، فافتتح موسم عيد الأضحى قبل 3 أيام واقتربت إيراداته من حاجز الـ12 مليون جنيه، وكانت البداية بالنسبة لـ"الكنز 2" و"انت حبيبي وبس" أمس في دور العرض السينمائي، فلم يحقق الأول سوى 212 ألف جنيه، بينما حقق الثاني 72 ألفا فقط.

وحتى الساعات الأولى من أول أيام عيد الأضحى، لم يطرح فيلم "خيال مآتة" للمخرج خالد مرعي بطولة أحمد حلمي في دور العرض، وهو ما رصده عدد كبير من الجمهور عبر "فيس بوك"، إذ نشر أحدهم ويدعى أحمد سمير صورة مع بوستر الفيلم، معلقا: "روحت أشوف فيلم خيال مآتة لقيتوا لسّا منزلش، قلت اقرأ كتاب حلمي (28 حرف) واستني بكرا اشوفه أما ينزل".

محمد سيد عبدالرحيم المدير الفني لمهرجان شرم الشيخ للسينما الآسيوية، دوّن عبر حسابه على "فيس بوك": "حتى الآن متعرضش فيلم أحمد حلمي (خيال مآتة)، والحقيقة ده في غير صالح الفيلم على كل المستويات، لأن الجزء الثاني من الفيل الأزرق وولاد رزق قدروا يحققوا شوية إيرادات كويسة جدا في الفترة اللي نزلوا فيها، لكن أهم من الإيرادات قدروا يحققوا سمعة كويسة بين اللي شافوا الفيلم واللي نقلوها بدورهم للناس اللي مشفتش الفيلم، ودي أفضل دعاية تخلي الفيلمين دول يبقوا هم أكتر الأفلام اللي الناس عايزة تشوفهم في العيد".

الشركة المنتجة لفيلم "خيال مآتة" للمخرج خالد مرعي، حددت السبت الماضي لطرح الفيلم في دور العرض أمس، بدلا من عرضه الخميس الماضي كما كان مقررا، ولكن تم تأجيله للمرة الثالثة دون الإفصاح عن أسباب، ونشرت صفحة الفيلم على "فيس بوك": "بنعتذر عن اللي قولناها، كده مفيش عرض النهاردة، وبخصوص عرض الفيلم هيكون أكيد بكره في السينمات".

• أحمد سمير
• بوستر الفيلم
• أحمد حلمي
• خيال مآتة
• عيد الأضحى
• فيلم خيال مآتة
• أحمد سمير
• بوستر الفيلم
• أحمد حلمي
• خيال مآتة
• عيد الأضحى
• فيلم خيال مآتة