السيسي: "كل قطاعات الدولة المصرية كانت بعافية السنين اللي فاتوا"
السيسي: "كل قطاعات الدولة المصرية كانت بعافية السنين اللي فاتوا"
قال الرئيس عبدالفتاح السيسي، إن قطاعات الدول لم تكن بخير الفترة الماضية.
وأضاف خلال جلسة "اسأل الرئيس" ضمن فعاليات اليوم الثاني من مؤتمر الشباب السابع، المنعقد في العاصمة الإدارية الجديدة: "كل قطاعات الدولة المصرية كانت بعافية السنين اللي فاتوا، لكن المهم إن نقطة الانطلاق بدأت مش عشان أنا موجود هنا دلوقتي لكن لأننا اتحركنا في إطار خطة شاملة للإصلاح الشامل بما فيها الثقافة".
وتابع: "لو قولنا إننا رصدنا ما يقرب من 560 أو 600 مليون جنيه لصالح تطوير وتثقيف وتوعية لملايين من الشباب، وتطوير المسرح القومي وإنشاء عددا من المسارح الجديدة ودا جهد الدولة بتعمله، ولكن نقطة التنسيق بين التعليم والشباب والرياضة والثقافة والإعلام يمكن يكون محتاج مننا جهد أكثر، لكن حركتنا في كل الموضوعات كبيرة وتحتاج وقت كبير عشان تجدوا مردود لها، ودلوقتي من سنين فاتوا مكنش المسرح اللي احنا فيه دا موجود، والمسرح دا متاح وكان موجود مسرح المنارة اللي موجود في محور المشير ومنشآت أخرى بجواره، وهي مش بس منشآت لكن بإرادة وعمل القائمين على هذه المشاريع".
وتساءل: "هل عندهم إرادة لتطوير أداءهم ويحسنوه عشان يعطوا الخدمة والأهداف اللي مطلوبه، وكمنشآت فاحنا بنعمل أكبر مدينة للثقافة والفنون في العالم، لو عندكوا فرصة إنكم مش هتغادروا النهاردة، روحوا شوفوا المسارح والأوبرا والمكاتب والمتاحف ومعارض لصالح كل ما يخص الثقافة المصرية والتراث المصري".
