فيديو.. السيسي لطلاب الكلية الحربية: "جيت أطمن على رجال مصر"

01:13 م | السبت 13 يوليو 2019

زار الرئيس عبدالفتاح السيسي، فجر اليوم، الكلية الحربية، ليتفقد ويتابع برامج التدريب اليومية؛ لرفع الكفاءة البدنية للطلاب، والإعداد المهاري لطلبة الكلية، بحضور الفريق أول محمد زكي وزير الدفاع، والفريق محمد فريد رئيس أركان حرب القوات المسلحة.

وشارك الرئيس عبدالفتاح السيسي طلبة الكلية الحربية في نشاطهم الرياضي، مؤكدا إعداد جيل جديد من القادة والمقاتلين المسلحين بالقدرات البدنية والعلمية.

وقال الرئيس السيسي: "أنا جيت النهارده علشان أطمن على رجال مصر، وأطمنهم على مصر بلدنا كلنا.. أنا عارف طبعا إنكم بتبذلوا جهد كبير هنا، وعارف إننا بنبني مهارات عظيمة لإعداد جيل جديد من القادة والمقاتلين الأشداء، جيل مسلح بكل ما تعنيه هذه الكلمة من القدرة في مختلف المجالات، سواء كانت القدرة البدنية والعلمية، أو المهارات الأخرى المطلوبة".

وأضاف الرئيس: "الدنيا بتتغير وبتتطور، وإحنا بنتغير وبنتطور طبقا للتغيير ده، علشان نبقى إحنا مواكبين للعصر اللي إحنا موجودين فيه، وأنا متأكد ومتابع كويس أوي كل التدريبات والجهود، والمناهج الموجودة في الكلية والكليات الأخرى، وسعيد بيكو وسعيد بالمستوى اللي أنتم موجودين فيه، وبتمنالكم التوفيق دايما".

الرئيس: الحمد لله الأمور تسير بشكل جيد والبطل الشعب

وتابع: "أنا كمان عاوز أطمنكم على بلدنا مصر، الأمور الحمد لله رب العالمين تسير بشكل جيد في كل المجالات، والبطل في هذا الأمر هو الشعب المصري، ومن هنا.. من الكلية الحربية، اللي هي رمز للعسكرية المصرية، وللمرة التانية والثالثة أبعت للمصريين تحية تقدير واحترام واعتزاز، بأنهم خلال الـ5 سنوات اللي فاتت ضربوا المثل العظيم في كل شيء.. كل الشكر ليهم".

وأكد: "الأمور الحمد لله رب العالمين بتسير بشكل أفضل، ومستمرين في برامجنا، سواء الاقتصادية أو الأخرى، والهدف منها إننا نضع مصر في مكانة تستحقها.. كل التحية والتقدير ليكم وبقولكم إنتو وكل الأجهزة المسؤلة عن أمن وسلامة مصر.. مصر أمانة في رقبتنا كلنا.. شكرا جزيلا".