بريد الوطن| قابل للتغيير
بريد الوطن| قابل للتغيير
ما بعتنيش وف عز محنتك بتدى وما بتاخديش
وبرغم الوجع اللى جواكى
وبرغم العيون اللى حسداكى
ما بتنحنيش
أنا عارف إنك ما نستنيش
وعارف إنك ما بتناميش
فما تزعليش
أنا عارف إنى واد سخيف
وأنا مش ملاك ولطيف
بس انتى كنتى بتقابلينى
وبتلاقينى بميت روح
وتحاولى تنسينى الجروح
فا اعذرينى أيتها الروح
أنا مش قديس
أنا يمكن أكون شبه إبليس
لكنى مش ملعون
أنا.. أنا حبيتك بجنون
وحاولت أنساكى ومعرفتش
وبداوى جروحى ما بدمشى
وكأنى أعمى مبيشوفشى
غيرك. أصل أنا مش
مكتوبلى غيرك
وحاولت أعيش لك سنينى لكن الغربة اللى بينك
وبينى ما بينها ألف سور
والسور لوحده ما بيتهدش
وفاء عطية الحجلة
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
