أديب يكشف عن مخطط إخواني لإفساد الاستفتاء على الدستور
أديب يكشف عن مخطط إخواني لإفساد الاستفتاء على الدستور
كشف الإعلامي عمرو أديب، عن مخطط لجماعة الإخوان الإرهابية، لإفساد الاستفتاء على الدستور المصري، والمتوقع إجراؤه خلال الشهر الجاري.
وقال أديب، خلال تقديمه برنامج "الحكاية"، الذي يُعرض على قناة "mbc مصر"، إن مخطط الإخوان بدأ في منتصف مارس الماضي في تركيا من خلال الاتصال بجهات في داخل مصر وخارجها، حيث إنهم حاولوا الاستمالة على بعض القوى المدنية المصرية، والتي بالطبع رفضت التعامل معهم، مضيفًا: "طبعا رفضوا يتعاملوا معاهم، عشان هما جربوهم قبل كده".
وأضاف الإعلامي، أنه بالرغم من رفض بعض القوى المدنية في مصر الاستفتاء على الدستور إلا أنهم رفضوا وضع أيديهم في يد الإخوان أو الجهات المعادية لمصر، موضحًا أن العناصر الاخوانية ناشدوا مكاتبهم في الخارج من أجل التحرك، سواء كان في لندن أو أمريكا أو في فرنسا .
وتابع: "الإخوان دول اللي هاجموا الدستور بعد ما اتعمل، وقالوا عليه دستور العار، دلوقتي بيدافعوا عنه ويقولوا الدستور ده جميل وعمرو موسى دلوقتي بالنسبة ليهم بقى حلو"، موضحًا أن الإخوان قاموا بعقد ندوات فكرية محرضة على مصر من أجل تشجيع المواطنين على هدم الاستفتاء.
وواصل: "المرحلة الجاية هنشوف فيه ناس من داخل السجن أثناء المحاكمة بتاعتهم سواء بديع أو مرسي أو أي واحد هيقولك نرفض التعديلات على الدستور، عشان بس الكل يبقى عامل حسابه، دي جزء من الخطة، وكمان هنلاقي ناس من داخل السجن من الإخوان مطلعة بيان دي برضوا جزء من الخطة".
وأكد أنه سيجري تدشين موقع برعاية شركة كبرى من أجل جمع التوقيعات عليه من المواطنين الرافضين للتعديلات الدستورية، من أجل الظهور أمام العالم بأن الشعب المصري رافض للتعديلات الدستورية، موضحًا أن الموقع سيكون قوي بحيث يصعب على أي شخص اختراقه، مضيفا: "بس أنا بقول للإخوان الموقع هيخترق يعني هيخترق، وبعدين الموقع فيه توقيعات من بدري".
وتابع: "الإخوان بتقول للناس الرافضين تلبس زي معين عشان تبين إنك ضد التعديلات على الدستور، وهيكون الزي الأسود ، طب يا جدعان فهمونا هو انتوا عاوزين الناس تنزل وتقول لأ وتلبس الأسود ده ، ولا عاوزينهم يعملوا توقعيات على النت ومينزلوش، دي خطتكم مضروبة".
