ريهام سعيد لمهاجمي دينا: "متعرفش خاتمتك هتبقى إيه وخاتمتها هتبقى إيه"
ريهام سعيد لمهاجمي دينا: "متعرفش خاتمتك هتبقى إيه وخاتمتها هتبقى إيه"
علقت الإعلامية ريهام سعيد، على مهاجمة البعض للراقصة دينا، بسبب أدائها فريضة العمرة وذلك خلال حلقة الأحد، من برنامج "صبايا" المذاع عبر فضائية "الحياة".
واستنكرت ريهام سعيد مهاجمة دينا بسبب صورتها، وهي ترتدي الحجاب وتؤدي العمرة : "أنت مكنتش بتشتمها الشتيمة دي وهي يتنزل صورتها ببدلة الرقص".
وتساءلت ريهام سعيد: "دخلت جوة قلبها وعرفت إنها رايحة تمثل وإن ربنا مش هيتقبل منها؟".
وتابعت: "متعرفش خاتمتك هتبقى إيه وخاتمتها هتبقى إيه، ومتعرفش ربنا هيتقبل منها إيه ومش هيتقبل منك إيه".
وأضافت: "بقينا قضاة على بعض وبقينا نقرر ربنا هيتقبل إيه ومش هيتقبل إيه، وهي بتاخد من حسانتك وكمية الحسنات اللي أخدتها من الشتيمة دي رهيبة".
واستنكرت ريهام سعيد: "هل كل اللي بيطلعوا عمرة بيرجعوا مبيغتابوش ولا بيفتنوش ولا بيسرقوا ولا يغشوا ولا يعملوا حاجة خالص حرام"، داعية الله أن يتقبل من الراقصة دينا عمرتها.
