بريد الوطن| مش خايف
بريد الوطن| مش خايف
مش خايف قلبى من الموت
مشتاق له شوق الحبيب لحبيبه
بيترجاه عليه يفوت
ما كفر لو هوه اللى يجيبوا
قلبى المجلود بمليون سوط
مفيش غير الموت طبيبه
من بشر ظالم ينجيه
لرب عادل يوديه
ما خلاص فاض بيه
من زمن غاوى تعذيبه
مكتوب له من صغر السن
يتوه ويضيع ويئن
ولا حد عليه يحن
ولا حد يطفى لهيبه
اللى ليه اتملكوا
عاشوا فيه يهلكوا
وبأبسط حاجة يتلككوا
علشان عنه يغيبوا
ولأنه لسه بالتكت
والخباثة منه ما اتملكت
الناس على براءته نكتت
وكأنها حاجة تعيبه
الهموم بدرى شيبته
الفرحة عمرها ما عرفته
الوحدة تملى صاحبته
وحالفة بحياتها ما تسيبه
مصطفى سيد عبدالسلام
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
