بريد الوطن| مبسوطة
بريد الوطن| مبسوطة
أنا عايشة وعادى ومبسوطة
ومفيش تغيير
الشمس بتطلع ف ميعادها
والدنيا بخير
بطّلت القهوة بمرارتها
معظم فساتينى بشحّتها
وبعادنا مغيرش ملامحى
ولا له تأثير
وانا إيه يزعلنى ونهايتنا
أصلا معروفة
اطمن مبقِتش أشتاق لك
ولا أبات ملهوفة
والدمعة اللى شيفها ف عينى
متصدقهاش
أنا بس عنيا بتحرقنى
وأكيد مطروفة
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
