طابور أصحاب معاشات من 11 ليلاً.. و«البريد»: «عندكم كروت»

08:53 م | الثلاثاء 05 فبراير 2019

أمام أبواب مكتب بريد الحضرة قبلى بالإسكندرية، اصطف كبار السن فى طوابير مكدسة لحين وصول موظفى المكتب فى التاسعة صباحاً، لصرف المعاش مبكراً، ولم تكن الساعة تجاوزت الواحدة بعد منتصف الليل وقتها، ما يعنى أن عليهم الوقوف فى الطوابير قرابة 8 ساعات، ورغم الطقس البارد، وقف الحاج حافظ محمد، 67 سنة، أمام المكتب منذ 11 ليلاً، ليتمكن من الحصول على «دور مبكر» فى الطابور، فالأعداد تتزايد فور انتهاء صلاة الفجر لتصل إلى 300 فرد تقريباً.

{long_qoute_1}

«أنا مصاب بشلل نصفى، وماحدش بيراعى ظروفى»، قالها عم «حافظ»، موضحاً أنه لا تتوافر هنا مقاعد لكبار السن: «يادوب كنبتين بيشيلوا 9 أفراد فبنقعد على الرصيف»، وأضاف: «بنستنى يوم 5 كل شهر بفارغ الصبر عشان نصرف المعاش، اللى بيضيع فى شرا الدوا».

أما عاطف عبدالحميد، 57 سنة، فيقول إنه يأتى إلى المكتب قبل أن يفتح أبوابه بساعات، لصرف المعاش: «لو مانزلتش بالليل قبلها قعدت قدام المكتب، الصبح مش هنلاقى لقمة عيش»، وتابع: «السيستم بتاع المكتب هنا على طول عطلان وأعداد الأهالى كتير».

«بعد صلاة الفجر باجى هنا ألحق لى دور».. قالتها الحاجة إحسان عبدالرحيم، 66 سنة، مضيفة: «بدل ما أقف تحت الشمس بالساعات، لأن الدنيا بهدلتنى بعد وفاة جوزى، وباخد معاش تكافل وكرامة وباتبهدل كل شهر عشان 350 جنيه، بس على الأقل يجيبوا لنا كراسى نقعد عليها نستنى».

مصادر فى «بريد الإسكندرية» ردت على انتقادات أصحاب المعاشات، بأن الهيئة سلمتهم كروتاً لصرف المعاشات من الصراف الآلى، لتجنب التكدس، كما يتم تغذية الماكينات بالأموال اللازمة خلال فترة الصرف: «فترة الصرف تمتد 15 يوماً، لكن أصحاب المعاشات يتكدسون فى أول يوم بس».