لماذا يفضل المصريين facebook عن باقي المواقع؟.. "مش محتاج كتالوج"

يفضل الكثير من المصريون استخدام موقع التواصل الاجتماعي "فيسبوك"، أكثر من غيرها من المنافسين سواء لأنه يضم كل المحيطين بهم أو للاستفادة منه أو استغلاله في العمل أو للتواصل مع أشخاص لا يستطيعون رؤيتهم وغيره.

وهناك عدة أسباب تجعل المصريين يفضلون الـ"فيسبوك" عن باقي مواقع التواصل الاجتماعي، فتقول مادونا فؤاد البالغة من العمر 27 عامًا إنه شيئا أساسيا في حياتها سواء المهنية أو الحياتية حيث إنها تستخدمه هي وزملائها في العمل لمشاركة أو توزيع المهام، متابعة: "بحسه أفضل وسيلة للشات وأعرف اللي قدامي أونلاين ولا لأ وأقدر اتواصل مع أي حد".

وتفضل سارة أحمد البالغة من العمر 29 عامًا الـ"فيسبوك" عن غيره من مواقع التواصل لسهولة استخدامه بعكس الباقي التي تصفهم بالأكثر تعقيدا: "بحس المواقع التانية محتاجة كتالوج، لكن ده سهل كده مش محتاج تفكير".

ويستخدم مجدي محمد 32 عامًا الموقع كونه مصور فيحتاج نشر أعماله عمله عليه، والتواصل مع الزبائن من خلاله: "يعني يعتبر احسن مكان أعمل عليه دعاية والناس تقدر توصلي عليه ويشوفوا شغلي قبل ما يتعاملوا معايا".

بينما تستفيد ميادة إبراهيم البالغة من العمر 30 عامًا من وجود إجابات لجميع أسئلتها السريعة بمشاركتها على "جروبات" خاصة للفتيات على الـ"فيسبوك": "ممكن ابقى محتاجة رأي حد أو اتحرقت مثلا وبسرعة عايزة رد لحد ما اروح للدكتور فكتير بيساعدوني".

أما أحمد عبدالحميد البالغ من العمر 63 عامًا يتواصل مع ابنه الذي يعيش في إنجلترا من خلال "فيسبوك" في أي وقت يحتاجه كونه بالنسبة له أسهل طريقة: "أقدر أكلموا فيديو أو مكالمة عادية وابعتلوا في أي وقت يرد عليا".

• فيسبوك
• المصريين
• مواقع التواصل الاجتماعي
• موقع فيسبوك
• جروب
• فيسبوك
• المصريين
• مواقع التواصل الاجتماعي
• موقع فيسبوك
• جروب