السيسي لـ"صحفي فرنسي": "إحنا بنقود بلدنا بالشرف والعزة والأمانة"
السيسي لـ"صحفي فرنسي": "إحنا بنقود بلدنا بالشرف والعزة والأمانة"
رد الرئيس عبد الفتاح السيسي، على سؤال أحد الصحفيين الفرنسيين عن حقوق الإنسان في مصر، وطريقة تعامل مصر مع "المدونين"، خلال المؤتمر الصحفي المشترك بينه وبين نظيره الفرنسي، في قصر الاتحادية.
وقال السيسي: "إحنا بنقود بلدنا بالشرف والعزة والأمانة، علشان نعمل مجتمع يليق بمصر اللي إحنا بنتكلم عنها، واللي تاريخها إنتوا شوفتوه من 5000 سنة، ولما أقوم ببرنامج هو الأكبر على الإطلاق في العالم كله لعلاج فيروس سي، كانت مصر فيها ملايين من المواطنين مصابين بهذا المرض، لما الدولة المصرية تعمل مسح طبي لـ55 مليون مصري حتى تتأكد من سلامته والمصاب بالمرض تعالجه".
وأضاف السيسي: "منظمات المجتمع المدني في بلدنا فوق الـ45 ألف وبتقوم بدور مجتمعي رائع، ولما إحنا وجدنا قانون منظمات المجتمع المدني قولنا أتناقشوا وشوفوا إنتوا عاوزين تضيفوا إيه، لأن منظمات المجتمع المدني ليهم دور كبير في ظل ظروفنا، وإحنا مش عاوزين نختزل حقوق الإنسان في مصر مع كل التقدير لأراء الناس، لأن آراء الناس أمر وهدم الدولة أمر تاني، وأرجو منبقاش بعاد عن اللي حصل في المنطقة، لأن مصر كانت هتروح بردو".
