السيسي: "معندناش حاجة نخجل نقولها ولا نخاف منها أبدا"
السيسي: "معندناش حاجة نخجل نقولها ولا نخاف منها أبدا"
قال الرئيس عبد الفتاح السيسي، إن مصر لن تقوم بالمدونين، "بقولهالكوا بمنتهى الصراحة، مصر ستقوم بالعمل والجهد والمثابرة من جانب أبنائها، إحنا بنعمل إصلاح سياسي واجتماعي وسياسي وديني، هو كان في حد يقدر يتكلم عن مسار العلاقة بين بعضها وبعض، إحنا مبقاش مقبول عندنا نقول مسلم ومسيحي هو مصري وبس، والذي لا يؤمن على الإطلاق بقى ليه مكان، ودي ممارسات بنفذها بالفعل، حتى تخرج مصر للمنطقة اللي إحنا موجودين فيها دلوقتي".
وأضاف السيسي، خلال المؤتمر الصحفي المشترك بينه وبين نظيره الفرنسي، في قصر الاتحادية: "في مصر هنا بيتخرج كل سنة مليون، أشغلهم إزاي؟، أجيبلهم شغل منين، أعمل إيه، حد يقولي أعمل إيه وأجيب منين، وأحل المسائل دي إزاي، آسف إني أقول إن المدونين بيتكلموا لغة تانية خالص غير الواقع اللي بنعيشه، معندناش حاجة نخجل نقولها ولا نخاف منها أبدا".
