مراكز التجميل تدعم مريضات السرطان: شعرك ده ولا باروكة!
مراكز التجميل تدعم مريضات السرطان: شعرك ده ولا باروكة!
- الوصفات الطبيعية
- تساقط الشعر
- تطويل الشعر
- سقوط الشعر
- علاج الصلع
- عناية بالبشرة
- أسعار مخفضة
- مراكز التجميل
- الوصفات الطبيعية
- تساقط الشعر
- تطويل الشعر
- سقوط الشعر
- علاج الصلع
- عناية بالبشرة
- أسعار مخفضة
- مراكز التجميل
أعلنت بعض مراكز التجميل تضامنها مع مريضات السرطان اللاتى حُرمن من شعورهن بسبب الكيماوى، باستقبالهن وإخضاعهن لجلسات مكثفة لعلاج تساقط وخشونة الشعر، وذلك مجاناً أو بأسعار مخفضة فى بعض الجلسات، لتخفف عنهن معاناتهن مع المرض القاسى.
منة الله هشام، إخصائية تجميل وعناية بالبشرة، وضعت برنامجاً خاصاً لمريضات السرطان، علاجات وزيوت طبيعية لعلاج الصلع وتساقط الشعر الشديد، ولكن بعد انتهاء جلسات الكيماوى لضمان عدم سقوط الشعر مرة أخرى، وتوفر لغير القادرين جلسات مجانية: «مريضات السرطان ليهم جلسات مكثفة عشان الشعر ينمو بشكل صحى، وفى وقت قصير جدا، لأنهم بييجوا فى مرحلة صعبة».
{long_qoute_1}
وبحسب «منة»، فإن المركز يتردد عليه شهرياً من 4 إلى 5 حالات مصابة بالسرطان: «بحاول إنى أبدأ كورس العلاج بعد انتهاء جلسات الكيماوى عشان الشعر ما يتعرضش للتلف مرة تانية». تستخدم «منة» فى العلاج الذى تقدمه للمرضى بعض الوصفات الطبيعية لتحفيز نمو الشعر: «الشعر اللى بينمو لمريضة الكانسر بيكون خشن جداً، إحنا بنلعب على إننا نرجع نعومته مرة تانية»، يعد زيت الأرجان بالإضافة إلى النخاع الجملى والنخاع البقرى، وزبدة الشيا هى أبرز المكونات التى تستخدمها: «بنضيف عليه بعض الأمبولات الطبية اللى بتمنع تساقط الشعر وبتعمل على سرعة إنباته».
50 جنيهاً هو سعر الجلسة لمريضات السرطان المقتدرات، أما غير القادرات فيتم تقديم الخدمات مجاناً: «بنحاول نراعى الناس، خاصة إن العلاج بيستمر لفترة طويلة بس النتيجة بتبدأ تظهر من أول شهر».
وبحسب «منة» فإنها تستخدم البروتين فى تطويل الشعر: «بنستخدم بروتين خالى من الفورمالين، وبعد انتهاء فترة العلاج نشدد على استخدام مستحضرات عناية بالشعر خالية من كلوريد الصوديوم وسلفات الأمونيا، عشان نحافظ على الشعر على قد ما نقدر».
الخدمة نفسها تقدمها جوفانا سامح، صاحبة مركز تجميل، والتى تستخدم خلال الجلسات مكونات طبيعية: «المريضة بتكون جاية مفيش شعر نهائى بنفضل معاها لحد ما يطول وبنمنع استخدام أى مواد كيميائية خلال فترة العلاج وبعدها»، شهران فقط هما المدة التى يستغرقها الشعر حتى يبدأ فى النمو مرة أخرى: «المريضة بعد الفترة دى بتبدأ تحس بفرق الشعر بيكون قصة الجرسون وتقيل وناعم إلى حد ما».
ردود أفعال إيجابية تتلقاها «جوفانا» على الجلسات التى تقدمها: «البنات بتدعيلى مرة تانية لإنهم بيكونوا متخوفين، إن الشعر يطلع تانى زى الأول».
