السيسي: اللي باقي من الإصلاح الاقتصادي قليل.. ومش أقسى من اللي فات
السيسي: اللي باقي من الإصلاح الاقتصادي قليل.. ومش أقسى من اللي فات
قال الرئيس عبدالفتاح السيسي خلال كلمته في الاحتفال بعيد الشرطة الـ67، بمقر أكاديمية الشرطة، متحدثا عن برنامج الإصلاح الإقتصادي "لما جينا نرفع سعر الصرف من 8 جنيه للدولار لأكثر من ذلك بكثير كان ليه تأثير ضاغط على المصريين، وعلى الرغم من قسوة الظروف الصعبة دي، كان هو ده العلاج الحاسم لتجاوز التحدي بشكل علمي وواقعي، ومكانشي في مسار تاني، والطريق التاني كان طريق الضياع لدولة بمقدراتها لإن الإقتصاد أساسي في العالم كله، لأنه معناه قدرة، والقدرة يعني شعب يقدر يعيش، والدول كلها بتشتغل على ده".
وأضاف السيسي: "إحنا عبرنا مرحلة صعبة وماشيين في طريقنا واللي تبقى مش كتير أوي ولن يكون أقسى مما كنا فيه، وإحنا مصرين على إننا نخلصه، ومش بنخحلصه لينا، بنخلصه للشباب والأجيال القادمة، والمؤشرات الموجودة بشهادة كل العالم بتقول إننا ماشيين بنفس الهمة والإصرار القوة علشان نحقق كل اللي بنتمناه لبلدنا، وربنا يوفقنا وينجحنا، اللي جاي واللي فات نجاحنا فيهع بالمصريين مش بحد تاني".
ويشهد الرئيس عبدالفتاح السيسي، الأربعاء، الاحتفال بالعيد الـ67 للشرطة في مقر أكاديمية الشرطة بالقاهرة الجديدة، بحضور اللواء محمود توفيق، وزير الداخلية، وأعضاء المجلس الأعلى للشرطة، وعدد من قيادات الوزارة.
ويكرم «السيسي» عددًا من الضباط الساهرين على أمن الوطن، إضافة إلى تكريم مجموعة من أسر الشهداء الذين ضحوا بأرواحهم أثناء أداء واجبهم الوطني.
