السيناريست محمد دياب عن «ولاد الو...»: «معرفش عن الكتاب ده حاجة»
السيناريست محمد دياب عن «ولاد الو...»: «معرفش عن الكتاب ده حاجة»
نفى السيناريست محمد دياب إطلاقه كتاب "ولاد الو ..." في معرض الكتاب والمقرر إقامته من يوم 23 يناير المقبل، خلال صفحته الشخصية بموقع التواصل الاجتماعي "فيس بوك"، حيث قال "أرجو كل الناس اللي تعرفني أنهم يشيروا توضيحي إن الكتاب ده مش تأليفي ولا أعرف عنه حاجة".
وأضاف "دياب": "الموضوع كبير لدرجة إن فيه وزير بعت يسأل قريب ليا عن علاقتي بالكتاب لأنه بيدافع عني وسط هجوم كبير من ناس فاكرني مؤلف الكتاب، وناس طلعت في التليفزيون تشتمني، أولاً ده لا كان ولا هيكون الأسلوب اللي بعبر بيه عن نفسي تحت أي ظرف وكمان لأن الاسم أوحى لناس إنه كتاب سياسي وأنا علاقتي بالسياسة منقطعة واللي متابعني من مدة طويلة هيلاقي تركيزي فني فقط".
وتابع: "معرفش ده كتاب حقيقي ولا إفيه بس الموضوع مش مضحك ليا ولعيلتي وهستأذن لو فيه أصدقاء صحفيين بيكتبوا عن موضوع الكتاب يوضحوا إن اللي اسمه محمد دياب مؤلف الكتاب ده، غير السيناريست والمخرج محمد دياب".
