توفيق عكاشة يواجه المُذيعات المحجبات: "نص صباع روج وربع علبة بودرة"
توفيق عكاشة يواجه المُذيعات المحجبات: "نص صباع روج وربع علبة بودرة"
- توفيق عكاشة
- مصر اليوم
- قناة الحياة
- قناة الفراعين
- المذيعات المحجبات
- توفيق عكاشة
- مصر اليوم
- قناة الحياة
- قناة الفراعين
- المذيعات المحجبات
على مدار الأعوام الستة الماضية، يشن الإعلامي توفيق عكاشة، هجومًا عنيفًا على المُذيعات المحجبات، اللاتي تظهرن على الشاشة، مؤكدًا أنهن مصابات بمرض الانفصام في الشخصية، كان آخرها، قبل يومين، من خلال برنامجه "مصر اليوم" المذاع عبر شبكة تلفزيون "الحياة".
وترصد "الوطن" أبرز المرات التي هاجم فيها "عكاشة" المذيعات المحجبات، وهم كالتالي:
- فرشة في الحيطة
شن "عكاشة" هجومًا حادًا على المذيعات المحجبات، خلال حلقة الجمعة الماضي، من برنامج "مصر اليوم"، حيث قال: "المذيعة من دول بتحط 3.5 مكياج على وشها، يقعد الراجل الماكيير وهو ماسك خلقتها ونازل.. شوفتوا اللي بيضرب فرشة في الحيطة أهو نفس النظام، محجبة إزاي بقى مينفعش الحجاب له مقام؟".
- انفصام
في نوفمبر الماضي، جدد "عكاشة" هجومه على المذيعات المحجبات، قائلًا: "تلاقي واحد مربي دقنه يقدم برنامج، وكذلك واحدة محجبة أو منتقبة.. لو عاوزة تتحجبي أو تتنقبي شوفي وظيفة أخرى مناسبة لذلك"، مؤكدًا أن المُذيع يجب أن يتوافر فيه العديد من المواصفات، على رأسهم الشكل والمظهر، حيث إنه يكون "واجهة" على الشاشة.
وتابع عكاشة: "عندنا تلاقي اللي تقولك من حقنا نلبس الحجاب.. طب أنتي محجبة وحاطة 3 كيلو مكياج ليه؟.. حجاب ومكياج مع بعض إزاي؟.. ده اسمه انفصام في الشخصية.. المشاهد هيتقبل كلامك إزاي بهذا الانفصام اللي شايفه؟"، متابعا: "مغطية شعرها وحاطة 3 كيلو مكياج".
- "2.5 كيلو بوهية ونص صابع روج"
خلال برنامجه "مصر اليوم" عندما كان يُقدمه على قناة "الفراعين"، اتهم المذيعات المحجبات بأنهن ينصبن على الله، قائلًا: "لابسة الحجاب عشان هو فرض، وبتحط 2.5 كيلو مكياج".
وتابع: "الست محجبة مفيش مشكلة، لكن قبل ما تطلع على الشاشة، بتحط 2.5 كيلو بوهية على وشها، ونص صابع روج، ونص علبة كريم أساس، وربع علبة بودرة، وقلم كحل كامل، وشايلين حواجبهم وحاطين تاتو"، متابعًا: "إزاي أنتم محجبات؟.. إزاي نحط مكياج ونطلع ع الشاشة؟.. الإسلام مش شكل؟".
