كاملة أبوذكري للمخرج أسامة فوزي: "يارب تكون طاير وبتضحك"
كاملة أبوذكري للمخرج أسامة فوزي: "يارب تكون طاير وبتضحك"
وصفت المخرجة كاملة أبوذكري، أغلب مخرجي السينما حالياً بأنهم أقل من "ضوفر" المخرج الراحل أسامة فوزي، الذي وافته المنية، الثلاثاء الماضي، بعد صراع مع المرض.
ونشرت أبوذكري، صورة للمخرج الراحل، وعلقت عليها قائلة: "أغلب أغلب إللي بيسموا نفسهم مخرجين دلوقتي، وقاعدين بيقولوا أكشن وستوب وأساميهم بتشوفوها ليل و نهار دول أقل من ضوفر المخرج أسامة فوزي أو عيب حتى أحطهم في مسمي واحد"
وأضافت: "إحنا كلنا يا أسامة مفيش حد كان شبهك، يمكن زي ما محمد صلاح نادي الزمالك رفضه، ولما عاش في مناخ تاني اتقدر واتشاف، يمكن كنت على الأقل عرفت تحقق أحلامك ومتعتنا بـ20 فيلم كدة".
واختتمت: "أنت قعدت مش علشان مكتئب، قعدت علشان إنت أنقى من كل الوساخة دي، الله يرحمك ويارب تكون طاير وبتضحك".
