بالفيديو| محمد هنيدي: الجمهور سيشاهد مسرح جديد بـ"3 أيام في الساحل"

01:15 م | الأربعاء 09 يناير 2019

أعرب الفنان محمد هنيدي عن سعادته بالعودة لخشبة المسرح من جديد، بعد غياب دام 15 عاما، من خلال مسرحية "3 أيام في الساحل".

وأضاف هنيدي، الذي حل ضيفا اليوم، هو وأبطال مسرحية "3 أيام في الساحل" على الإذاعية فاطمة مصطفى في برنامج "الراديو بيضحك" على الراديو 9090، أن العمل على خشبة المسرح يختلف عن السينما تماما: "المسرح ده عيلة، لأن نجوم المسرح بيقعدوا مع بعض أكثر ما بيقعدوا مع أهلهم".

وتابع هنيدي: "في حالة حب بين كل اللي شغالين في المسرحية وبقينا عيلة واحدة، وكلهم عايزين يرجعوا المسرح، ويارب تكون المسرحية سبب إن المسرح يرجع تاني في مصر"، مضيفا: "الرواية مضمونها جميل وفيها جرعة كوميدية كبيرة جدا، لأن موجود معايا في المسرحية مجموعة من الكوميديانات الشطار جدا، ومصرين نقدم حاجة مختلفة للناس، والجمهور هايشوف حاجة ماتعملتش قبل كده".