هاني يونس ينشر صورة: الرجالة على الحدود معندهمش حيطان تحميهم من البرد
هاني يونس ينشر صورة: الرجالة على الحدود معندهمش حيطان تحميهم من البرد
نشر هاني يونس، المستشار الإعلامي لرئيس مجلس الوزراء، والمتحدث الرسمي باسم وزارة الإسكان، صورة عبر حسابه في «فيسبوك»، قال إنها لعدد من الجنود المصريين على الحدود المصرية.
وعلق «يونس» على الصورة قائلاً: «شايفين الصورة دي.. دي صورة مش محتاجة تعليق، بس أنا هعلق، دول الرجالة، أيوة دول الرجالة، اللي بيحموا حدودنا، الناس دول معندهمش هناك فيس بوك يقعدوا ينظّروا عليه».
وتابع: «معندهمش كافيهات، معندهمش أصلا حيطان تحميهم من الصقيع اللي إحنا فيه، لكن عندهم حاجات أهم بكتير، عندهم إيمان بربنا، عندهم عزيمة، وحب للوطن، مدفي قلوبهم، ومالي عينيهم، عندهم دم سخن بيجري في عروقهم، وميرضوش حد يتخطى حدودنا ويأذي ولادنا، أخدت بالك من عندهم دم دي، ياريت تاخد بالك كويس».
واختتم «يونس» منشوره قائلًا: «عينان لا تمسهما النار، عين بكت من خشية الله، وعين باتت تحرس في سبيل الله.. تحيا مصر».
