بالفيديو| فتحي عبد الوهاب يكشف سر "السيلفي العجيب": بدأ بغلطة
بالفيديو| فتحي عبد الوهاب يكشف سر "السيلفي العجيب": بدأ بغلطة
قرر الفنان فتحي عبد الوهاب، أخيرا، أن يكشف سر صور "السيلفي" المميزة والطريفة، التي اشتهر بها، في الوسط الفني مع العديد من زملائه، والتي تركت علامة لدى الجمهور المتابع.
وأوضح فتحي عبد الوهاب أثناء حديثه مع الإعلامية سمر يسري ببرنامج "الحفلة"، المذاع على قناة "ON E": "هي في الأول بدأت غلطة.. التليفونات التاتش ساعات بتلمس وأنت مش واخدة بالك فبصيت لقيت حاجة منظر أعوذ بالله، وبعدين حطيت الصورة على أكونتي الشخصي مش العام، فلقيت الناس داخلة وفاكرني عيان وجالي أمراض، فكبرت في دماغي وبدأت أصور وأحط صور على إنستجرام".
وتابع: "داخل على السنة الـ3، وربنا يكرمني وأفتح فروع تانية.. كل أصحابي بيصمموا يآخدوا السيلفي ده.. الفيروس أنتشر"، مؤكدا: "صورة حلو لأ متلاقيش.. كدا يبقى إحنا بنهزر.. صورة حلوة ليه.. بآخد السيلفي ده من باب إنها زواية جديدة".
وطلبت سمر يسري من فتحي عبد الوهاب أن يشرح لها طريقة التقاطه للسيلفي، فقال لها إنه ينتوي التقاط صورة سيلفي معها بعد التصوير، وردت سمر: "لا يمكن آخد السيلفي ده"، ورد "عبد الوهاب": "لأ ده أنا جاي التسجيل بالشرط ده".
