أشرف عبدالباقي: عرضت فكرة "مسرح مصر" على المنتجين وقالوا "هيفشل"
أشرف عبدالباقي: عرضت فكرة "مسرح مصر" على المنتجين وقالوا "هيفشل"
استضافت رحمة خالد أول مذيعة من ذوي القدرات الخاصة، الفنان أشرف عبدالباقي، في حوار خاص ببرنامج "8 الصبح"، على قناة "dmc".
وأضاف عبدالباقي، خلال حواره، أن المسرح لم يأخذه من السينما "بحب المسرح، والمسرح وقف 10 سنين من 2003 لـ2013، لحد مسرح مصر، ومسرح أطفال مسرحية على بابا من إنتاجي، ومسرح عرائس، ومؤخرا مسرحية واخد حقوقها من إنجلترا، تتعرض في مسرح الريحان.. أنا بحب المسرح، ومفيش حاجة بتآخد حد من حاجة تانية.. أنا بشتغل، سواء مسرح أو برنامج أو فيلم أو مسلسل".
وأكد عبدالباقي أن تجربة مسرح مصر كانت فكرة جديدة لاسترجاع الجمهور للمسرح مرة أخرى، عن طريق شباب الممثلين، الذين أصبحوا اليوم نجوما كبار، "قبل ما أعمل الفكرة عرضتها على منتجين كتير لكن محدش كان بيتحمس، كانوا بيقولو يعني إيه تجيب شباب جداد وتعمل مسرح في وقت مفيهوش مسرح".
وتابع عبدالباقي: "كانوا بيقولولي أكيد مش هينجح، وأكيد محدش هيشوفه، وبعد ما نجح لقيتهم بيقولو قولنا كان هينجح وشجعناك من الأول.. عملنا 112 مسرحية، حتى الآن".
وأوضح عبدالباقي: "مقدرشي اتنبأ اللي ممكن يحصل أو أقول مسرح مصر هيكمل ولا لأ كله بتاع ربنا، لكن بتمنى أنها تنجح وتستمر".
