القصة الكاملة للخلاف بين "نادي الرجال السري" و"جت في السوستة"
القصة الكاملة للخلاف بين "نادي الرجال السري" و"جت في السوستة"
نشبت أزمة على مواقع التواصل الاجتماعي بين القائمون على فيلم "نادي الرجال السري" لبطله كريم عبدالعزيز، ورواد مجموعة "جت في السوستة" على موقع التواصل الاجتماعي "فيسبوك".
الأزمة بدأت فور نشر الفنان كريم عبدالعزيز، البوستر الرسمي للفيلم، المقرر طرحه في دور العرض السينمائي، يناير المقبل، إلا أن القائمون على المجموعة اتهموا القائمون على الفيلم بسرقة أفكارهم، نظرًا لتشابه "البوستر" مع "لوجو" المجموعة.
ونشر محمد عبدالغفار مؤسس المجموعة، صورة للبوستر الدعائي للفيلم، عبر حسابه الشخصي على موقع "فيس بوك"، وعلق: "عن سرقة الأفكار أتحدث".
إلا أن رد كريم عبدالعزيز نفسه جاء سريعًا، حيث قدم اعتذارًا إلى أعضاء المجموعة، عبر صفحته الرسمية عبر "فيس بوك" قائلًا: "إلى رجالة جروب جت ف السوستة.. متزعلوش يا رجالة دا مجرد توارد أفكار بين مصمم الأفيش والجروب، وأنا شخصيا لسه عارف بدا فعليا.. تحياتي ليكم جميعا ومنتظركم تشرفوني وتتفرجوا على الفيلم، وإن شاء الله يعجبكم".
اعتذارًا يبدو أنه لم يروق لمؤسس "جت في السوستة"، حيث نشر صورة لخبر "الوطن" عن اعتذار "عبدالعزيز"، وعلق: "قالك توارد أفكار".
ثم أضاف: "أنا مش حابب أكبر الموضوع أكتر من كده فعلا.. وعارف أنه ممثل محترم وأنه اتورط بدون علم.. ومن البداية أنا اتكلمت عن سرقة الفكرة لأنها لو في بلد بتحترم الأفكار بتعامل زي سرقة الفلوس بالظبط.. وعالعموم أنا مش صاحب الجروب لوحدي.. أصحاب الجروب هم كل الأعضاء لو ارتضوا بالاعتذار فأنا ارتضيت.. المهم في الموضوع وكل اللي شاغلني دلوقتي توارد الأفكار جه منين؟!، وأيمن وتار جاله الوجع امتى وفين؟!، وقتها هرتاح والله عالأقل هبقى لقيت زميل ليا في وجع السوستة".
وأكد مؤسس مجموعة "جت في السوستة" لـ"الوطن"، أنه لا ينوي مقاضاة "عبدالعزيز"، لكنه لم يخفِ أيضًا سخطه مما اعتبره "سرقة الفكرة": "كل واحد مننا بيبقى غيور على فكرته ولما بتتسرق بيحس بغيظ شديد، خاصة إني مؤلف وليا روايات موجودة وحاليا بخلص رواية جديدة، فبحاول قبل ما أشتغل في أي فكرة إني أبحث كتير إذا كانت استهلكت قبل كده أو لا، عشان مسرقش مجهود غيري بمبرر أنا بعتبره سخيف اسمه (توارد الأفكار)".
وأردف: "أنا مقولتش إني مقبلتش الاعتذار، أنا سخرت من التبرير بتاع توارد الأفكار، أنا مسجلتش الاسم واللوجو لأن فيه ناس كتير طلبوا يستخدموه في كافيهات ومحلات جوه وبرة مصر، يومها أعلنت إن الاسم واللوجو حلال على كل واحد بياكل عيش طالما هكون سبب في الرزق فأنا مبسوط، ودي مش سرقة أفكار بالنسبة ليا هي دعاية باسم مشهور وبشوفها مشروعة جدا، الفيلم استفزني لأني مؤلف ودي حقوق فكرية، ومش هاخد أي إجراء قانوني طبعا، الدنيا متستحقش إننا نتكلم في موضوع زي ده أكتر من 24 ساعة".
وانتقد "عبدالغفار" مؤلف الفيلم، قائلًا: "أيمن وتار كمؤلف مش بس ابتعد عن موضوع البحث، هو ربط اللوجو بالسرية بالرجال بكلمة العضوية في نحت صارخ للفكرة ومضمونها، ده لو عايز يقول أنا سارقها منكم مش هيعمل كده".
أدمن «جت في السوستة» يرد على كريم عبدالعزيز: «مش راضي عن الاعتذار»
والفيلم يشارك في بطولته كريم عبدالعزيز، وماجد الكدواني، وذلك بعد 16 عاما منذ فيلم "حرامية في تايلاند" عام 2003، بالإضافة إلى غادة عادل ودينا فؤاد، تأليف أيمن وتار، إخراج خالد الحلفاوى، وإنتاج لؤي ووائل عبد الله.
