يسرا في حوارها مع رحمة خالد على "DMC": طلعتي الطفولة اللي جوايا
يسرا في حوارها مع رحمة خالد على "DMC": طلعتي الطفولة اللي جوايا
أجرت رحمة خالد، أول مذيعة من ذوي القدرات الخاصة في برنامج "8 الصبح"، المذاع على شاشة "dmc"، حوارا مع الفنانة الكبيرة يسرا، وأعربت يسرا عن سعادتها البالغة لاستضافة رحمة لها.
وتحدثت الفنانة يسرا في بداية الحوار عن طفولتها، موضحة أنها كانت طفلة وحيدة والديها، وليس لديها أي أخوات قائلة: "كنت فرحة العيلة.. كنت أول بنت في العيلة، وكنت شقية موت وعاملة زي الولد، كنت بلعب وبجري وبلعب كورة وبركب عجل".
وأضافت يسرا أن طفولتها غالية جدا لديها متابعة: "طفولتي علشان تطلع لازم اللي قدامي يعرف يطلعها مني زي ما انتي مطلعاها مني دلوقتي.. فانتي شاطرة إنك مطلعة الطفولة مني.. لأن دي حاجات غالية وببقى فرحانة بوجودها جوايا، لأن الوقت والزمن بيخليكي مش طفلة، لكن في لحظة لازم أرجع فيها لطفولتي".
