أديب عن «رشوة 150 ألفًا لتعيين مساعد حانوتي»: ليه هيشغّله في البترول؟
أديب عن «رشوة 150 ألفًا لتعيين مساعد حانوتي»: ليه هيشغّله في البترول؟
أعرب الإعلامي عمرو أديب، عن اندهاشه الشديد من ضبط مسؤول طلب رشوة 150 ألف جنيه لتعيين شاب "مساعد تُربي"، قائلًا: "فيه حاجتين في منتهى الغرابة، الأول إن الواد هيدفع رشوة 150 ألف جنيه عشان يشتغل مساعد تٌربي، والحاجة التانية إن الواد وافق إنه يشتغل مساعد تربي".
ونصح "أديب"، خلال تقديمه برنامج "الحكاية"، على قناة " mbc مصر"، الشاب بعمل مشروع بهذا المبلغ بدلًا من دفعهم كرشوة، قائلًا: "اشتري شوية سجاد وتاجر بيهم، أقف على عربية فول، إنما تشتغل مساعد تربي، ليه تدفع الـ 150 ألف جنيه هو يعني هيشغلك في البترول".
وتابع أديب: "أنا مش بقلل من شغل التُربي أو مساعد التربي، كده كده هنحتاجهم، بس هو بيطلع له كام في اليوم عشان يقدم على وظيفة زي دي، أمال لو عاوز يشتغل تُربي بقى مش مساعد ليه هيدفع نص مليون مثلًا".
وواصل أديب: "أنا والله ما اعرف إيه خصائص وظيفة مساعد التربي، يعرف مثلا يحفر، ولا حافظ الفاتحة، ولا بيعرف يغسّل، ولا إيه ، بس الموضوع ده غريب جدا".
