فيديو| "أديب" عن مظاهرات فرنسا: آسف.. لن أؤيد أصحاب السترات الصفراء
فيديو| "أديب" عن مظاهرات فرنسا: آسف.. لن أؤيد أصحاب السترات الصفراء
قال الإعلامي عمرو أديب إنه لا يؤيد مظاهرات أصحاب "السترات الصفراء" بباريس، حيث إن وجود الدولة أهم من أي شيء آخر، مضيفًا: "لازم يعرفوا إن فيه دولة وفيه رئيس ولازم رئيس يحكم الدولة وفيه برلمان وفيه وزارات، أنا عمرو بتاع الدولة".
وأضاف "أديب"، خلال تقديمه برنامج "الحكاية"، على قناة "MBC مصر"، أنه لا أحد كان يتوقع مطلقًا أن تقوم مظاهرات في باريس، مستطردًا: "الشعب اللي يطلع عشان ياخد حاجة معينة لو خدها بيطلب اللي بعدها على طول".
وعرض الإعلامي مقطع فيديو لفرنسية والتي توجه رسالة بحرقة وغضب عما يفعله المتظاهرون في باريس، وعلق عليها "حد يصدق إن الفتاة دي وغضبها ده إنها فرنسية، دي ولا اللي قاعدين في اليمن أو ليبيا".
ووجه أديب، حديثه للمتظاهرين في فرنسا: "أنا آسف، مش هقدر أقف جنب السترات الصفراء، إحنا اللي بدعنا الفيلم، تعالوا أديكم دروس وأقولكم هتعملوا إيه بكرة".
واندلعت مواجهات، اليوم، بين مئات المتظاهرين الفرنسيين وقوات الأمن الفرنسية في شارع "الشانزيليزيه" في قلب باريس، على هامش مظاهرة جديدة لحركة "السترات الصفراء"، التي تحتج على زيادة الضرائب وارتفاع أسعار الوقود وتراجع القدرة الشرائية.
