بريد الوطن| وِشّ البرىء
بريد الوطن| وِشّ البرىء
يللا فارق مش هنفرق
كان زمان عندى بتفرق
خُنت قلبى وعمرى تسرق
هبكى ليه ع الغدّارين
يوم ما ترحل من عيونى
خُد سهادك من جفونى
سيب رموشى تسُكّ عينى
وامحِى قيدك م الجبين
صبر عمرى طال عليك
كل ذراتى تناديك
دُبت فيَّا ودُبت فيك
انت لسه كتير مدين
الحنان من قلبى جارف
خدته كله وانت عارف
والخيانة ريحها كارف
الخسارة ضياع سنين
إوعى تترك أى شىء
حتى نظرة تبِلّ ريق
خد معاك وشّ البرىء
وانسى جيم ومعاها سين؟
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
