إعلانات العمل من المنزل.. قليل من الفائدة وكثير من النصب

بحث محمود عن فرصة، حتى لو كان راتبها ضعيفاً، أو حتى بعيدة عن مجاله التعليمى، المهم بالنسبة لمحمود عيد هو العثور على مصدر رزق يفى بالحد الأدنى من احتياجاته، هكذا كان يحرص على الاتصال بتلك الأرقام التى يراها مدونة على بعض الأوراق.

{long_qoute_1}

«إعلانات توظيف كتير بشوفها على الطريق، فى الأول كنت بفرح وآخد الرقم عشان أتصل، كتير منها بيقولوا اشتغل من البيت، وياما رحت وقدمت لكن كله فى الآخر مكانش قد كلامه»، يحكى «محمود» الذى لم يدع رقماً إلا واتصل به: «كان مثلاً فيه شغل أون لاين، وده مفهوم إنه من البيت وكل حاجة، بس تلاقى المرتب قليل أوى، بحجة إن الشخص شغال فى البيت»، يحكى الشاب الذى اكتشف اللعبة «هتتصل هيقول لك شغلنا تسويق على الإنترنت وهات أصحابك معاك، المرتب مرتبط بالسلعة وبعدد الحاجات اللى بتتباع، ومعظم الوقت بيحصل نصب، منهم مرة أخدوا منى 100 جنيه للتقديم وبعدها المكتب قفل».

إعلان على جدار بميدان الجيزة، يشير إلى وجود فرصة عمل من المنزل، من خلال تعليم صنعة فى يوم واحد، وبالاتصال على الرقم، يتبين أن الأمر ليس صنعة بعينها وإنما هى قوالب مخصصة لتعبئتها بمواد معينة وتجهيز ما تنتجه للبيع، ويتولى المكان شراء المنتجات من الذين صنعوها، ويباع القالب بـ150 جنيهاً دون عقود أو ضمانات لأى عامل.

• أون لاين
• الحد الأدنى
• فرصة عمل
• العمل من المنزل
• إعلانات توظيف
• أون لاين
• الحد الأدنى
• فرصة عمل
• العمل من المنزل
• إعلانات توظيف