بالفيديو| من داخل منزل شويكار وفؤاد المهندس: "خاصمني بسبب معجب"

04:55 م | الجمعة 23 نوفمبر 2018

تغلغل حبه لفن شويكار إلى قلبه ليملئ حياته، فوقع فؤاد المهندس، في غرامها ولم يستطع العيش دونها، ليشكلا ثنائيًا رائعًا في السينما والمسرح والحياة الزوجية أيضًا.

وفي أجواء كوميدية اجتماعية، التقت الفنانة ناهد جبر، بالفنان فؤاد المهندس وزوجته الفنانة شويكار، داخل منزلهما، وصورت ناهد تفاصيل حياتهما اليومية وتحدثا عن طبيعة علاقتهما الزوجية والفنية.

عبرت شويكار، عن حبها الشديد للمهندس قائلةً: "حرارة الحب ما بينا لسه ماهبطتش بعد مرور 8 أعوام على زواجنا، وفؤاد زوج ممتاز، وراجل بتاع بيت، ومتطور وطيب ومتسامح، مٌصلي، يعرف ربنا"، مضيفةً "أنا بقول ربنا يرزق بنتي زوج زي فؤاد".

وأشارت إلى بعض العيوب في زوجها "فؤاد المهندس" مثل غيرته وعدم حبه للسهر والخروج والموسيقى العالية "دي حاجات ممكن تضايقني وأنا بحب أخرج واتفسح، لكن لما أقارن المحاسن بتطغى على العيوب البسيطة، وإحنا في تفاهم تام"، لافتةً إلى انزعاجها من غيرته الشديدة من المعجبين.

وروت موقف حدث أثناء سفرهما إلى الإسكندرية: "كان فيه واحد معجب بيا في القطر، فؤاد اتضايق، وقالي شايفاه رايح جاي إزاي قلتله الولد ما اتكلمش وماعملش حاجة، ففضل فؤاد مخاصمني أنا من مصر للإسكندرية علشان معجب".

تعرضا للكثير من شائعات الانفصال منذ بداية زواجهما حيث فضلت شويكار والمهندس عدم التعليق عليها من أجل عدم الترويج للشائعة والرد بعمل ناجح: "الظاهر إن البني آدم الناجح في الزواج أو فنيًا الناس بتحقد عليه"، وتساءلت: "هل ده طبيعي؟ وهيستفيدوا إيه من كده إنهم عايزينا نتطلق أو ننفصل فنيا؟، لكن كل مابيعملوا كده بنتمسك ببعض أكتر، ومش هنسيب بعض إلا لما ربنا ياخدني أو ياخده لكن مش هنسيب بعض غير بكده".

كما تحدث فؤاد، عن تجربته الإخراجية، قائلا: "أنا مش متخصص في الإخراج المسرحي وإنما مسألة إحساس، وهو انفعال جالي إنه المخرجين مابيحسوش أنا عايز إيه ولا بيطلعوا اللي عندي فقلت هخرج من غيظي".

وأشار إلى استيائه من عدم تكريمه من قبل المهرجانات وعدم حصوله على جوائز حينذاك "الظاهر مقاطعنا وبيعتبروا اللي بيمثلوا كوميدي إنهم صف تاني مابيعترفوش بينا ليه ما اعرفش؟.

كما عبر المهندس، عن حبه لشويكار وطبخها وإجادتها العديد من أصناف الطعام، لتقول شويكار: "أنا بحب الطبخ جدًا وأنا اللي عاملة كمان كل ديكور الشقة".