على كل لون يا عروسة: التقليدية والمحجبة وأم «سارى هندى»

من بين عرائس المولد بأشكالها وأحجامها المختلفة، ظهرت عروس مرتدية «السارى الهندى» لفتت أنظار رواد سوق «درب البرابرة» فى منطقة العتبة، العروس بزيها الهندى كانت الأبرز بين الأشكال المعروضة فى أشهر سوق لحلوى وزينة المولد النبوى، عرضها البائع ثابت برغوتة، على فرشته، مؤكداً أنها تلفت أنظار المارة الذين يقفون للسؤال عن سعرها.

فى البداية اعتقد المارة أن زى العروسة عربى، لكن بعد مشاهدة الإكسسوارات التى تتحلى بها تأكدوا من «هنديتها»: «عروسة لابسة زى هندى، طبيعى تلفت الأنظار لأن ألوان الفساتين مبهجة ومنورة، والناس بتحب الحاجة المختلفة».

بجانب العروس الهندى يعرض «برغوتة» أشكالاً من العرائس ذات الشكل التقليدى، وأخرى ترتدى جناحات، إلى جانب العروس المحجبة، وأشكال أخرى، لكن «الهندية» تأتى فى المقام الأول من حيث اهتمام الزبائن والسعر: «سعر العروسة الهندى القطاعى 150 جنيه، ودى بيحبها العيال الصغيرين بيشبطوا فيها علشان ألوانها مبهجة، أما الكبار فبيحبوا الشكل التقليدى اللى اتعودوا عليه علشان يحطوها كديكور فى البيت».

{long_qoute_1}

وبحسب قول «برغوتة»، فأسعار العرائس جيدة مقارنة بالعام الماضى، ولكن الأنواع هذا العام أكثر: «السنة دى فيه أنواع أكتر وحتى الشكل العادى بنحاول نضيف له تفاصيل جديدة، ونفس أسعار السنة اللى فاتت تقريباً إن ما كانش أحسن، بنحاول نجدد علشان الزبون يحب يشوف أنواع مختلفة قدامه ويختار بينها».

• عرائس المولد
• المولد النبوي
• حلوى المولد
• حلاوة المولد
• زينة المولد النبوى
• عرائس المولد
• المولد النبوي
• حلوى المولد
• حلاوة المولد
• زينة المولد النبوى