بريد الوطن| إيمان
بريد الوطن| إيمان
إيمان
لو فيه إيمان جد بصحيح
لو حتى ذرة شايلها ريح
لو لسه ناس م الفجر تصحى
وبتدعى رب الكون يزيح
يمسح على جبين المعذب بالحنان
ما نشوف عليل ما نشوف جريح
وارفع دراع للكون يعافر
أربى ناب جنبيه ضوافر
ولا أسيب حقى ف يوم لغادر
ينطق لسانى يقوم يجاهر
ما دام خلاص ضاع الإيمان
لو سهم شر بصدرى حل
من عم أو من حتى خال
يا صاحبى ليه خلتها خل
البس طُرح وارمى العقال
وِلْغير إلهى الشكوى ذُلْ
والمرء إيه لو يوم يُهان؟
طول عمرى شايفه زى والد
فوق راسى حطه بامتنان
اطعن فى وشى يلّه واجه
من ضهرى ليه هتكون جبان؟
طب ليه تروح فى صف غادر؟
ولاّ انت من حلف الشيطان؟
خسران يا ربى لأحلى صاحب
ما دام خلاص ضاع الإيمان
سامح لطف الله
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
