أولياء أمور يشكون نظام التعليم الجديد: "هو فين.. كله على قديمه"
أولياء أمور يشكون نظام التعليم الجديد: "هو فين.. كله على قديمه"
- التربية والتعليم
- طارق شوقي
- نظام التعليم الجديد
- أولياء أمور
- التربية والتعليم
- طارق شوقي
- نظام التعليم الجديد
- أولياء أمور
قالت عبير أحمد مؤسس اتحاد أمهات مصر للنهوض بالتعليم، إن "الاتحاد" رصد مجموعة من الشكاوى والمعوقات التي واجهت أولياء أمور وطلاب الصف الأول الثانوي المطبق عليهم نظام الثانوية العامة الجديد.
وأوضحت، أن أبرز تلك المعوقات تمثلت في عدم شعورهم بأي تطوير ملحوظ وملموس حتى الآن، ولم يتم تدريب الطلاب علي نظام الامتحانات الجديدة، مشيرين إلى أن الشرح في المدارس بالنظام القديم كما هو، إضافة إلى امتداد المواد طوال العام، وهو ما يمثل عبء عليهم، وزيادة الدروس الخصوصية لعدم استيعاب وفهم الطالب للشرح داخل الفصل.
وناشدت أحمد، وزارة التربية والتعليم بسرعة العمل علي معالجة جميع المعوقات التي تواجه أولياء الأمور لرفع المعاناة عنهم من أجل ظبط العملية التعليمية ونجاح نظام التعليم الجديد.
وتفاعل أولياء الأمور على صفحة اتحاد أمهات مصر للنهوض بالتعليم على "الفيسبوك"، مبرزين المعوقات التي واجهتهم منذ بداية العام الدراسي وحتى الآن، خاصة لطلاب الصف الأول الثانوي المطبق عليهم نظام الثانوية الجديدة.
وقالت ولي أمر: "المشكلة إن المدرسين في دنيا تانية ومش فاهمين حاجة أصلآ علشان إحنا نعرف ومريحين نفسهم خالص من موضوع الشرح، بيقولوا عناوين واقلب الدرس مش بيشرحوا حتى بربع كفاءة أي مدرس في سنتر، والمشكلة مش كثافة ابدآ بدليل إننا بنلاقي أي مدرس في سنتر بيشرح ويقدر يوصل المعلومة برغم العدد الهائل اللي موجود في القاعة علي اجماع الطلبة".
وأضافت ولي أمر أخرى: "مفيش شغل في المدارس إطلاقا، لا يوجد أي تطوير، أين تدريب الطلاب على الامتحانات الأونلاين؟، أين تعويد الطلاب على امتحانات الـopen book ونظام التعليم كما هو، ولا يوجد أي شغل في المدارس مع ضرورة الالتزام بالحضور، ودروس في كل المواد، ولا يوجد وقت للطلبة للمذاكرة".
واستكملت أخرى: "إحنا لغاية دلوقتي الشرح في المدارس بالنظام القديم لا جديد سوى إنهم أخبروا الطلبة بإن في امتحانين في الترم والطلبة مرهقة ومش ملاحقين الدروس".
وذكرت أخرى: "كل السنة معوقات، مواد ممتدة، دروس في كل المواد، مفيش وقت للمذاكرة، مدرسين مبيشرحوش لأنهم عارفين إن كل الطلبة بتاخد دروس، بالإضافة إلى النظام الجديد اللي محدش فاهم فيه حاجه ولا حتى المدرسين".
وتابعت سيدة أخرى: "هو فين النظام الجديد، إحنا ماشيين على قديمه والمناهج هي هي بغباءها، ومعالي الوزير هيعمل أسئلة تقيس الفهم طب إزاي وانت مغيرتش المناهج ومطورتش المدرس، كله ماشي على الحفظ وأسلوب الدراسة العقيم اللي بيكره الطالب في المدرسة والتعليم وعبء الدروس زي ما هو، غير إن المدارس الحكومية حالها يرثى لها".
وقالت ولي أمر: "مواد كتير مفيش وقت للمذاكرة، دروس في العادي على النظام القديم، مصاريف مش في الحسبان، كتب خارجية بمبالغ مرتفعة، حضور المدرسة بلا فائدة، المدرسين بدون شرح، وقراءة من الكتب بس، لو رسب الطالب في مادة بعيد السنة يعني بيحطم الطلاب، أولياء أمور بتكلم نفسها".
وأضافت أخرى: "كله مستني مفاجأه الامتحان اللي محدش يعرف عنه حاجة".
