بريد الوطن| جدد قلبك وابدأ حياتك
بريد الوطن| جدد قلبك وابدأ حياتك
إحساس إنك تمسك القلم وتكتب كلام فيه ناس تقراه وتغير حياتها، إحساس حلو لكن الأحلى فعلاً إنك تكتب اللى يغير حياتك انت، صاحب نفسك، أكتر حد ممكن يحافظ على أسرارك ويصونها، بس مش أكتر حد هيديك نصيحة، كتير جداً بنسأل نفسنا إحنا عايزين إيه، محدش عارف هو عايز إيه بالظبط، قليل جداً اللى صريح مع نفسه، عشان كده كل هدفى من الكتابة أقول لنفسى انتى عايزة إيه؟ سؤال صعب بس أكيد بيدور حول حاجة واحدة، إنك تكون إنسان، من النهارده دوَّر على الفرحة، مفيش أجمل من إنك تعيش يومك إنه آخر يوم، اتعامل مع مشكلتك إنها جزء منك زيها زى عينك وإيدك ما تقدرش تستغنى عنها، مفيش عقد، شيل من قلبك الكره والحسد، سامح هتعيش مرتاح، ما تبخلش على نفسك بالفرحة، كل لحظة فى حياتك أكيد فيها حاجة حلوة، وجود أهلك حواليك أكيد نعمة كبيرة، ابتسامتك حلوة يا ريت تحافظ عليها وتكون فخور بيها، ما تزعلش على حاجة ما أخدتهاش مش مكتوبة لك، أكيد بتكون صعبة بس الأصعب إننا نصمم نعيش فى الماضى، ونعتبره كل حاجة، أكيد لنا فيه ذكريات حلوة بس عدت، وفيه حاضر نعيش فيه أكيد بتحصل فيه حاجات حلوة، عموماً مفيش أجمل من إنك تعرف أن حياتك مؤقتة، وإن كل اللى بتشوفه حواليك كده نسبى جداً، جدد قلبك واعرف إن باب الدنيا واسع جداً ومش هيقف عليك ولا على اللى أكبر منك، بص لنفسك وابدأ.
محمد فهمى سويلم
محام – المنوفية
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
