السيسي: "الجيش راح في 67 لكن إرادة المصريين ماراحتش وبنيناه تاني"

11:27 ص | الخميس 11 أكتوبر 2018

قال الرئيس عبد الفتاح السيسي، إن "الجيش راح في هزيمة 1967، لكن الإرادة ماراحتش من المصريين، وقبل حرب 1973 أعيد بناء الجيش حسب الظروف المتاحة".

وأضاف السيسي، خلال الندوة التثقيفية الـ29 للقوات المسلحة، "ظروف الحصول على السلاح في الوقت ده كانت مختلفة تمامًا، كان في معسكرين فقط تقدر تاخد منهم السلاح، والظروف الاقتصادية كانت صعبة".

وتابع: "بعد الهزيمة، الرأي العام كان ضاغط جدًا جدًا على القيادة السياسية عشان تحارب، لكن هل الجيش كان قادر يحارب في الوقت ده؟ المصريين كانوا بيستهزأوا بإمكانياتنا وقتها ومطلعين نكت ساخرة عن الهزيمة والجيش".