«بعد الإجازة».. زحام على الاشتراكات وتكدس داخل محطات المترو
«بعد الإجازة».. زحام على الاشتراكات وتكدس داخل محطات المترو
- اشتراكات المترو
- تذكرة المترو
- تدكس الركاب
- ركاب المترو
- تجارة عين شمس
- مكتب الاشتراكات
- اشتراكات المترو
- تذكرة المترو
- تدكس الركاب
- ركاب المترو
- تجارة عين شمس
- مكتب الاشتراكات
شهدت مكاتب الاشتراكات داخل محطات مترو الأنفاق إقبالاً كثيفاً من المواطنين خاصة الطلبة للحصول على استمارات الاشتراك أو تسلم الكارت، بعد انتهاء أيام الإجازات سواء الأسبوعية أو احتفالات أكتوبر.
فى محطة مترو الشهداء، اصطف الطلبة أمام مكتب الاشتراكات، ما تسبب فى زحام شديد دفع إدارة المحطة لتوفير مكتب بديل خاص بتسلم الكارت الذكى.
«هيوفر علينا كتير، أنا بادفع ١٤ جنيه يومياً، وبروح الجامعة ٤ أيام فى الأسبوع، يعنى بادفع ٥٦ جنيه فى الأسبوع»، كلمات أطلقها محمد خالد، ٢١ سنة، الطالب بتجارة عين شمس، مؤكداً أن الاشتراك، سيوفر عليه كثيراً، لأنه يأتى للجامعة من حلوان.
وقال رامى طه، ٢٠ سنة، من شبرا: «أنا دفعت ٦٨ جنيه، وعملت اشتراك ٣ شهور، الفلوس دى ممكن أدفعها للتذاكر خلال ١٠ أيام، مفيش شك إن الاشتراك توفير بنسبة ٩٥%، وده بالنسبة للمصروفات لأن رحلتى من محطة شبرا الخيمة إلى جامعة القاهرة تتكلف ١٤ جنيهاً يومياً، وبالنسبة للوقت والانتظار، فهو مفيد جداً، لأنى السنة اللى فاتت كنت باتأخر على المحاضرات علشان الزحمة على شباك التذاكر، دلوقتى أنا مطمن لأنى أكيد مش هتأخر تانى».
{long_qoute_1}
وروت منى خالد، طالبة، رحلتها مع الحصول على كارت الاشتراك قائلة: «جيت المكتب وطلبت استمارة اشتراك ودى تمنها ٥ جنيه، وبعد كده رُحت شئون الطلبة فى الكلية بتاعتى، ختمتها ورجعت تانى لمكتب الاشتراكات، طلبوا منى صورة شخصية وصورة بطاقة، ودفعت ٣٣ جنيه، ولأنى أول مرة أشترك فكان لازم أدفع ٢٥ جنيه تمن الكارت، يعنى التكلفة كلها ٦٣ جنيه، ماكانش فى بالى أعمل اشتراك، لكن الدراسة بدأت وسعر التذكرة زاد جداً، فقررت أعمل اشتراك علشان أوفر وكمان مابقاش شايلة هم زحمة الحصول على تذكرة كل يوم».
