السيسي: منظومة التعليم الجديدة ستنقل مصر لـ"آفاق أخرى"
السيسي: منظومة التعليم الجديدة ستنقل مصر لـ"آفاق أخرى"
قال الرئيس عبدالفتاح السيسي، إن منظومة التعليم الجديدة ستنقل التعليم في مصر لآفاق أخرى.
وأضاف خلال كلمة في حفل افتتاح بعض المشروعات الصحية والتعليمية بمستشفى المنوفية العسكري أن منظومة التعليم الجديدة ليست وليدة دراسة شهر أو شهرين ولكنها نتجة جهد مدته 5 سنوات.
وأكد السيسي على أن منظومة التعليم الجديدة اعتمدت على أساليب العلم بشكل غير مسبوق: "ومش هنجرب في أولادنا".
وطالب السيسي المحافظين والنواب والأسر بضرورة دعم المدارس اليابانية الجديدة بزيارة المدارس اليابانية والمدارس المختلفة الموجودة بالمحافظات لدعم التجربة.
وتابع السيسي :"ياتري للمحافظين والنواب والأسر الموجودة ياترا هتزورها وهتبقى موجودة مع التجربة والبرنامج عشان نشجع وندعهم ونشوف بدل ما نتكلم ونشوف".
وأضاف: "أنا عن نفسي هروح المدارس دي واقعد وسط أحفادي الصغيرين واشوف وادردش واقول للمعلم اللي فاكر اننا مش واخدين بالنا منه ومش قادرين نقدره كويس جايين نشكرك وندعمك".
واستطرد:"من فضلكم اشتبكوا تواصلوا مع التجربة عشان تاخد قوة دفع واصبر كويس متندفعش عشان متديش انطباع مش جيد عشان ندي قوة الدفع اللازمة لانجاح المشروع كلنا الوزراء والمحافظين والنواب لو الدكتور علي يوافقني وكل من يتمني ان يرى تعليم حقيقي ينقل مصر وكلنا بنشتكي ليه إحنا متاخرين كده، إحنا خضنا التجربة عشان نغير حالنا تعلاوا نحط ايدينا في بعض عشان يخرج بالشكل اللي بنحلم بيه".
ويفتتح الرئيس عبدالفتاح السيسي، مستشفى المنوفية العسكري بشبين الكوم، والذي يعد صرحًا طبيًا لخدمة المدنيين والعسكريين، بالإضافة إلى عدد من المشروعات التنموية. وكان في استقباله الدكتور مصطفى مدبولي، رئيس مجلس الوزراء وزير الإسكان والمجتمعات العمرانية، والفريق أول محمد زكي وزير الدفاع والقائد العام للقوات المسلحة والدكتورة هالة زايد وزيرة الصحة، وعدد من الوزراء والمسؤولين.
