عاجل| السيسي يوجه بتشكيل لجنة لمراجعة كفاءة الطرق

وجه الرئيس عبدالفتاح السيسي بتشكيل لجنة لمراجعة كفاءة الطرق التي تخطى عمرها 10 سنوات، على أن تعد تقريرا وترفعه خلال شهر، قائلا: "محتاجين تطلع لجنة تراجع شبكة الطرق القديمة الموجودة في الدولة وكفاءتها وتحطنا في الصورة، وخلال شهر تقولنا إحنا فين ورفع الكفاءة هيحتاج أد إيه".

وأضاف السيسي، خلال كلمته حفل افتتاح الطريق الدائري الإقليمي بحضور عدد من الوزراء ورئيس الوزراء وكبار رجال الدولة: "عاوزين نعمل نقلة في حياة الناس.. وفي ناس كتير بتشتكي من الطرق.. وزي ما قال الشاب كدا: تهالك الشبكة القديمة.. لأ إحنا مش هنسيب حاجة اسمها متهالكة.. طيب هنعمل ايه.. مش عارف.. بس لازم نعملها ومانسيبشي حد عربيته أو عجلته أو موتوسيكله يتبهدل ويتكسر".

وتابع: "اللي هتقوله اللجنة هعرضه قدام مصر كلها كدا.. أنا منكوا وكنت عايش في كل ده وشايفه وعارفه وإحنا مش هنسيه كدا.. اللجنة تراجع الكباري اللي عمرها أكتر من 10 سنين.. وتشوف الكفاءة.. الكلام ده قولته من 4 سنين.. وناخد شهادة من اللجنة دي بصلاحية الكباري دي".

ويفتتح الرئيس عبدالفتاح السيسي، صباح اليوم الأحد، 5 مشروعات لهيئة الطرق والكباري ومحاور النيل، بتكلفة 7.9 مليار جنيه، والمنفذة بواسطة الهيئة العامة للطرق والكباري وإدارة المهندسين العسكريين، وتشمل محور طما (أسيوط - سوهاج)، كوبري قوص بقنا، كوبري برج العرب، كوبري بلطيم، فضلا عن افتتاح المرحلة الأخيرة من الطريق الدائري الإقليمي القوس الشمالي الغربي.​

• الرئيس عبد الفتاح السيسي
• رئيس الوزراء
• رجال الدولة
• شبكة الطرق
• السيسي
• الرئيس عبد الفتاح السيسي
• رئيس الوزراء
• رجال الدولة
• شبكة الطرق
• السيسي