«محمد»: «شلة حرامية» شجعونى على تعاطى «الترامادول» وخطف التليفونات
«محمد» يتحدث لمحررة «الوطن»
داخل ورشة تصنيع الأحذية، تحدث محمد أحمد على، البالغ من العمر 17 عاماً، عن جريمته التى أودت به داخل أسوار المؤسسة، وقال إنه حكم عليه بالسجن 4 سنوات، نتيجة إدمانه الشديد للمخدرات والترامادول والتى كانت سبباً رئيسياً فى القبض عليه فى الشارع، إلى جانب سرقة 4 تليفونات محمولة بالاشتراك مع شخص آخر يكبره فى السن بـ10 سنوات، مؤكداً أنه عند حضوره المؤسسة منذ أكثر من عامين تم إخضاعه للعلاج من الإدمان من قبل فريق صندوق ومكافحة علاج الإدمان، مشيراً إلى أنه تعافى تماماً من الإدمان.
إخوتى صنايعية بيصرفوا علىَّ.. وخضعت للعلاج من قبل فريق «صندوق المكافحة».. «ولما أخرج هبعد حتى عن اللى بيشرب سيجارة»
يقول «محمد»: «أنا من محافظة المنيا، خرجت من المدرسة من 6 ابتدائى بعد وفاة والدى، وإخواتى شغالين صنايعية بيصرفوا عليا لأنى أصغر واحد فيهم، واتعرفت على شلة حرامية هما اللى خلونى أضرب ترامادول وحشيش، وكانوا بيسرقوا، ولما جيت هنا واتعافيت من المخدرات بدأت أنزل ورشة الأحذية بالمؤسسة للتدريب على صناعة الأحذية، كل يوم باتعلم حاجة، وبعدين بأروح العنبر الساعة 2 الضهر، وبانزل ألعب كورة وبنتفرج على التليفزيون كل يوم، ولما ربنا يأذن وأطلع من هنا مش ناوى أمشى مع حد بيشرب سيجارة».