مشجعون ينتظرون أول مباراة لـ"بيراميدز": "محدش هيغير مبادئه"
مشجعون ينتظرون أول مباراة لـ"بيراميدز": "محدش هيغير مبادئه"
- الأندية المصرية
- الانطباع الأول
- الدوري الممتاز
- برج القاهرة
- وجوه جديدة
- الاسيوطي
- بيراميدز
- نادي الاهرام
- الأندية المصرية
- الانطباع الأول
- الدوري الممتاز
- برج القاهرة
- وجوه جديدة
- الاسيوطي
- بيراميدز
- نادي الاهرام
مع انطلاق أولى مباريات "بيراميدز"، مساء اليوم، أمام "إنبي"، يحرص الكثير من المشجعين المصريين لمختلف الفرق، على مشاهدة أول مباراة للفريق بدوري هذا الموسم، والتي سبقها العديد من التحضيرات والاحتفالات من تزيين برج القاهرة بشعار النادي الجديد، بجانب التحديات لجميع الفرق، حيث أكد ترك، أن فريقه سيكون الأول دائما.
"الوطن" تواصلت مع بعض المشجعين الذين أعربوا عن حرصهم على مشاهدة "بيراميدز"، رغم تشجيعهم لفرق أخرى.. يقول "عمرو" المشجع الأهلاوي: "عايز أشوف نتيجة الاستثمار الكروي في مصر وشراء اللاعبين بملايين الفلوس ودي أول مرة تحصل في الكورة"، متسائلا "منتظرين نعرف هل الصفقات هتنجح، هل هيبقى فيه تحدي ووجوه جديدة شكلها شرس ولا فلوس اترمت في الأرض وده المتوقع".
واعتبر "مصطفى" انتظار الكثيرين للمباراة ليس الهدف منه التشجيع وإنما له أبعاد أخرى "الموضوع مش رياضي فقط ده داخل في اتجاه تحدي وعند لبعض الأندية المصرية فعايز أشوف عواقب هذا التحدي"، ورأى محمد أن الحُكم على نجاح الفريق من عدمه من أول مباراة ليس عادلا "مش هتقدر نحكم بس الانطباع الأول هو اللي بتبني عليه حاجات كتير".
وفسر شريف، ذياع صيت نادي "بيراميدز"، "طبيعة البشر إنها بتتطلع لكل شئ جديد، ودي تعتبر فرقة جديدة بكل الصفقات اللي جابوها وكبار اللاعبين والمدربين، فالمنظومة دي نجحت إنها تشدنا ليها ويارب نستمتع"، بينما أضاف عبدالرحمن: "ممكن يبقى ليه متابعين مش جمهور.. وعموما هنشجع الكورة الحلوة بس مفيش أهلاوي ولا زملكاوي هيغير مبادئه ولا هيشجع حد غير فرقته".
