السيسي: نحارب الإرهاب بلا هوادة ودون مصالحة

05:16 م | الأحد 29 يوليو 2018

قال الرئيس عبد الفتاح السيسي إنه كان من الممكن أن يركز في الحرب على الإرهاب في سيناء فقط، ويكون مبررا للوضع المعيشي.

وأضاف السيسي، خلال جلسة "اسأل الرئيس" في مؤتمر الشباب الوطني السادس، "إحنا معملناش كده، عشان كنا عارفين أن الهدف من الموضوع ده ننشغل بالحرب ونسيب البلد، ويحصل مشاكل كتير في مصر، قولنا لا إحنا هنشتغل على المحورين".

وتابع السيسي: "اشتغلنا على محور مواجهة الإرهاب، بلا هوادة، مش بنعمل مصالحات ولا مفاوضات مع حد، اللي هيعمل مصالحة انتم"، ليقول أحد الحضور: "تحيا مصر"، فيرد الرئيس: "تحيا مصر بيكم كلكم"، ويكمل: "مفيش حاجة قدامنا إلا إننا نقف قدام هذا الفكر بمنتهى القوة والقناعة، ليس لحماية النظام والحكم ولكن لحماية الدولة والدين، إحنا هنتحاسب قدام ربنا على اللي إحنا عملناه لبلدنا ودينا، اللي إحنا بنشوفه ده دين جديد مش الدين بتاعنا".

وأوضح السيسي: "مسارنا واحد في المواجهة وهيستمر، اللي عايز يعيش وسطنا بأمان وسلام هو مصري زينا، إنما اللي هيحاول يرفع سلاح علينا لا، إحنا هيحاسبنا ربنا على إننا نحمي المصريين، والجيش والشرطة قادر على التصدي بكل بساطة وحماية 100 مليون".

وأكمل السيسي: "المحور التاني هو محور التنمية، على الأقل فترة 2011 كل حاجة وقفت، مبتكلمش غير من قبل 2011 عشان مش بحب الإساءة لحد".