السيسي عن مشروعات الإسكان والعاصمة الإدارية: "مخدتش من الدولة جنيه"

06:36 م | السبت 28 يوليو 2018

قال الرئيس عبدالفتاح السيسي إن مصر تريد أن تخرج من "العوز والفقر اللي إحنا فيه".

وتابع السيسي، خلال كلمته بجلسة استراتيجية تطوير التعليم في الدورة السادسة من المؤتمر الوطني للشباب، المنعقد الآن، بجامعة القاهرة: "الناس ممكن تقول فقر إيه وأنت بتعمل مدن جديدة وعواصم جديدة؟ قسما بالله العظيم، ولا جنيه ورق الحكومة دفعته في الشغل ده، أنا مش باخد من الدولة فلوس بل بجيبلها فلوس، إحنا بنغير الدولة بأفكار".

وأوضح أن هناك 330 مليار جنيه سنويا دعم من الدولة لم نمسسه، وهو دعم لا يشمل التعليم "المبلغ ده ممكن يعملي 3.3 مليون فرصة عمل في السنة لو فرصة العمل بتتكلف 100 ألف جنيه، وممكن يبنيلي مليون وحدة سكنية لو الوحدة بتتكلف 300 ألف جنيه".

وأضاف "هو الهم ده همي ولا همنا؟ ده همنا ولن تستطيع تحطيم ما نحن فيه إلا بالتضحية والتحمل والصبر، أيوة هي الحكاية كده عشان نكون دولة بفضل الله سبحانه وتعالى".

وأشار إلى أن هناك فرق بين الرؤية النقدية التي تستهدف التحسين، وبين تحطيم الأفكار.