أكاديمية لتعليم العزف على الطنبورة: النوبة أسلوب حياة

10:47 م | الثلاثاء 24 يوليو 2018

حاولوا الحفاظ على التراث الخاص بأهل النوبة، بالتعاون مع مبادرة أغاخان للموسيقى، وبالشراكة مع مؤسسة أغاخان مصر، مجموعة من الشباب النوبى، مشروع الموسيقى بأسوان، لمسوا أهمية الموسيقى فى تراثهم، فأسسوا أكاديمية للمشاركة فى تعليم الشباب والنشء، الموسيقى التى تعد أحد الفنون الأساسية بمحافظة أسوان.

أشرف قناوى، مدير مشروع أسوان للموسيقى، يصف النشاط الخاص بالأكاديمية بأنه خطوة إيجابية لتفريغ طاقات الشباب: «النشاط ده مستمر طول السنة، بنبدأ من الساعة 5 لـ7 مساءً، وفترة تانية من 7 لـ9 مساءً، علشان يكون بعد فترة الدراسة الخاصة بالطلاب»، وتستمر فترة دراسة الطالب داخل الأكاديمية لمدة عامين: «إحنا عندنا دراسة على الإيقاع، آلة الطبلة والطنبورة والعود.. وعلشان يطلع عازف متمكن لازم الدراسة ماتقلش عن الفترة دى»، وجود الأكاديمية بمحافظة أسوان عوض الشباب عن بُعد المسافة لدار الأوبرا بالقاهرة: «طبعاً الأوبرا هى الأساس، لكن إحنا عندنا تراث، ولازم نحافظ عليه، وندرب جيل من العازفين فى أسوان».

يتم قبول الأطفال والشباب للالتحاق بالأكاديمية، بداية من سن 8 سنوات وحتى 25 عاماً: «بنعمل فى البداية اختبار قدرات بيكون بدون أى مقابل، وبعد الالتحاق بيكون الاشتراك بـ50 جنيه كل شهر، ده سعر رمزى جداً، مقارنة بالدراسة دى فى أماكن تانية».

ويعد إقبال الطلاب على تعلم آلة الطنبورة كبيراً: «إحنا بنعلمهم العزف عليها وكمان تصنيعها»، وحسب «قناوى» فإن تصنيع الآلة يعد أهم خطوات تعلمها: «الطالب لما بيتخرج بياخد شهادة من المكان، وبيكون قدامه سوق عمل واسع فى أسوان، لأنها مكان سياحى».