الحاجة سعدية لـ"الوطن": افتكرتهم هيحبسوني طول العمر ورجعت ببركة الرسول
الحاجة سعدية لـ"الوطن": افتكرتهم هيحبسوني طول العمر ورجعت ببركة الرسول
- الحمد لله
- حاجة حلوة
- رسول الله صلى الله عليه وسلم
- طول العمر
- اذن
- الجد
- الحاج
- الحاجة سعدية
- الحمد لله
- حاجة حلوة
- رسول الله صلى الله عليه وسلم
- طول العمر
- اذن
- الجد
- الحاج
- الحاجة سعدية
قالت الحاجة سعدية إن دعاء الصالحين ودعاء أسرتها، وبركة رسول الله صلى الله عليه وسلم هي السبب الحقيقي خلف ظهور برائتها، موضحة أنها لم تكن تتخيل أن تُتهم في قضية مخدرات.
وأضافت الحاجة سعدية، خلال حوارها لـ"الوطن": "افتكرتهم هيحبسوني طول العمر، ولكن ثقتي في الله كانت كبيرة.. أنا خارجة من بيتي علشان أقول يارب، وكنت على يقين أنه لن يخذلني، وسيقف إلى جواري".
بداية.. ما الذي حدث معكِ في المملكة العربية السعودية؟
أنا فوجئت بالحكومة بتبقض عليا وبيقولوا معاكي مخدرات، الأول افتكرت إنهم بيضحكوا، طيب هوديها فين؟ وأروح بيها لمين، ولما الموضوع دخل في الجد قولت مليش غيرك يارب، وبركة رسول الله نجدتني.
بما تشعرين بعد عودتك لمصر وسط أهلك وأحبابك؟
الفرحة مش سيعاني، وفرحانة لفرحهم وكنت زعلانة على زعلهم عليا وخايفة عليهم من الحزن عليا.
وكنت ساعات أقول مش ممكن أرجع خلاص هاموت هنا، وساعات أقول لا، ربنا هينصفني ويظهر الحق.
هل وصلكِ دعاء الأهل والأحباب؟
الحمد لله وصلني دعاء الصالحين وأهلي كلهم، وفوق كل ده بركة رسول الله صلى الله عليه وسلم هي سبب كل اللي أنا فيه ده، افتكرتهم هيحبسونى طول العمر، ولكن ثقتي في الله كانت كبيرة، ده أنا خارجة من بيتي علشان أقول يارب، وكنت على يقين أنه لن يخذلني، وسيقف إلى جواري، وحتى لو مت فأنا شهيدة بإذن الله.
ماذا تقولين للأهالي التي قدمت لاستقبالك؟
فرحتى برجوعي لأولادي حاجة حلوة، تساوى الدنيا، وربنا على المفتري والظالم وولاد الحرام، ودعيت كتير وأنا ببكي لكل من وقف معايا في محنتي، الحمد لله.
حدثينا عن أمنيتك المستقبلية؟
أتمنى أن ربنا يكتبلي الحج مع ولادي، وربنا يسترها معانا، ومع كل أمة لا إله إلا الله.
